初三行程
一早起身去左飲茶，嘩!正呀!二個人飲都要成百幾蚊，<鴻星>係唔同d。飲完個早茶就去左睇早場，今次係<<春田花花同學會(Mcdull The Alumni)>>，睇完之後又係失望而回。近排d戲夠竟攪乜，都冇一套係值得一看，又冇一套可以介紹俾人睇，真係慘。之後就約左舊同學食飯，逗下利是咁啦!接住就入左去西貢行下，呼吸下清新既空氣，睇下魚仔，又睇下狗仔，真係正呀!爽呀!
初一初二行程
年初一，上左去我公公拜年，跟住當然係打下麻雀啦﹗勁~~~win左2百幾。不過付出既時間同精神都唔少呀﹗由下午4點至12點幾，真係好耐未試過咁長途戰囉。年初二去睇戲，就係我抱好大期望既<<魔幻王國：獅子‧女巫‧魔衣櫥(The Chronicles of Narnia: The Lion The Witch and The Wardrobe)>>，唉~結果係睇到我隔離個人瞓左覺，我就...有d失望囉﹗之後佢就來我家拜年(仲有我d親戚)，佢就開心，都有成$200進帳，我同佢都係估唔到既。到晚上，有個突然既約會，真係好正，好耐未試過同自己既朋友一齊飲下野，傾下計，聊下玩下。可惜太晚，又冇車接喎，就咁樣我就缺席喇﹗
放年假前夕
昨日放工後，估唔到有人買左票等我睇戲，就係<<霍元甲(Fearless)>>。其實有種感覺都令我想左好耐，不過經過今次既驗證後，我可以肯定，原來我可能係好細膽呀﹗
唔知點解，每次我睇到一d埋身打鬥既場面，我都好驚好驚，行為怪異咁，要一手掩眼，另一隻手就抓實人地隻手，身體向下滑落到對腳頂住前面張chair，完全唔敢睇，連我都唔信自己係咁細膽。之前都有好多戲都有咁既感覺，<<King Kong >>、<<殺破狼 >>、<<拳霸>>...等等，有好多場面都係冇睇到。睇完戲之後，就去左行花市，當然係觀塘啦﹗唉~d人唔會同我一齊去多人既地方迫呀﹗都好有收穫，就係財神帽喇﹗
上半身下半身~~~張小嫻
張小嫻 - 上半身下半身>男人要走，是留不住的。
>
>有些女人傻得用自己的生命去留住他，
>有些女人卻天真地用身體去留住他，
>結果兩種女人都失敗。
>
>愛情是由上半身開始的，然後是下半身
>上半身和下半身契合，那是最完美的愛情。....
>
>分手卻是上半身的事。
>
>女人以為用身體可以留住一個不愛她的男人，
>她就未免太高估自己的下半身了。
>
>男人愛一個女人的時候，希望得到她的下半身。
>
>如果她只肯給他上半身，他也是願意的。
>
>有些男人可以長久地戀慕一個女人
>他愛的是她的上半身--她的性格、她的智慧。
>
>他就是喜歡看見她 ，跟她談天說地。...
>
>他喜歡她，他會控制自己的下半身
>他愛上她的時候，她身邊已經有另一個人了，
>她多麼愛他，也不能對不起別人。
>
>為了她下半生的幸福，男人寧願自己的下半身受一點煎熬。
>
>他知道美麗而長久的愛情，是上半身的事。
>
>然而，一個男人決定離開一個女人，那是上半身的事。
>
>他變了，他不再愛她了，他們再也合不來，往往是由上半身開始。
>
>他和她的上半身無法溝通，他也不想再跟她的下半身親近,
>要用下半身去留住一個男人，那不過是想抓住他原始的衝動，
>這是多麼可悲的事,
>留住愛情的，是上半身。
>
>好好的記牢這句話...
團年飯
過冬不久，又到新年喇﹗22/1(日)團年飯一定唔小得，人數係同上次一樣。不過除左打麻雀，食完飯就打牌。
其實每一次食這類型飯局，都要幫人想下買乜野，唔同真係兩手空空上來我屋企咩﹗上次就買酒，今次就買左一支用來幫魚缸換完水後消毒既藥水俾我公公。唉~~我都想左好耐呀﹗見上次佢同我公公傾缸魚傾得咁開心，又教我公買d藥水。咁就不如今次叫佢送俾我亞公啦﹗而家我又想緊下之要買乜上來喇﹗真係煩惱呀﹗
跟我在一起的你，幸福嗎？
跟我在一起的你，幸福嗎？我有很多事情想要問你。
跟我在一起的你，幸福嗎？
你還記不記得，我們認識那天的情景呢？
下次放假，你想去什麼地方走走？
今晚的晚餐，你想吃什麼菜色？
我好想認識小時候的你，
如果，我們邂逅在那個年紀，
我們還會變成現在這樣子嗎？
有這麼多問不完的問題，
是不是因為我太太太喜歡你？
就係這本書，每次我俾人激親，我就會想起這本書，因為睇完之後，會令我開心番。所以我叫人家係我生日既時間搵到本書出來送俾我，當然佢係搵既過程係好困難(因為佢冇腦嘛)，不過經過我用心既指導同提示下，佢係成功咁搵到出來，同時能夠係生日個日送俾我。 wow~~今年既生日，我成功自製了這個驚喜俾自己，係咪好surprise呢？
他上堂了
今日放工之後我陪佢去食飯，因為佢要返學(學車理論堂)呀﹗係第一堂，所以我送佢返，順便睇下間學院係邊嘛﹗唔知點解我其實好想接佢放學，不過想想下，都唔係咁好...女仔接男仔好似唔係咁似樣，但係真係好想呀﹗當然，同佢講咪俾佢話我傻，仲即刻叫我走呀﹗哈哈~~~有時真係想大家將d角色交換下，試下，都唔錯呀﹗諗下諗下好似幾好玩喎﹗哈哈~~~我好有信心，能夠做一個好男友0架﹗
生日後的假期
一早起身已經係下午2點喇﹗自己煮下野食，上下網，4點幾就同同事一齊去剪頭髮。其實我已經好耐冇理過個頭，都有成半年冇去髮型屋整理過。最後，咪又係俾理髮師哥哥(Alan哥)暗寸啦﹗剪個髮同焗個頸都成8點半先整好，食埋個飯10點回家，個假期就係咁過喇﹗重點：*放一日假係唔夠充電。*冇做過工作上既野。*今日冇人送我返屋企。*今晚轉電訊公司。
我的生日
生日到喇，真係可惜請唔到假，瞓下都好啦﹗哈哈~唔緊要聽日有得放，聽日先瞓飽。
我今日成7點先放工，人家就係淘大等我(其實我想佢接我)，原來佢去左書局搵一本我想佢買俾我既書，當然，到我去到佢都係搵唔到。唉~~於是我咪去搵，搵到就叫佢去個一個櫃到搵，佢最後都要搵左成15分鐘喎。不過搵到都算佢啦﹗跟住就去左鋸扒，鋸完就返屋企喇﹗不過份禮物就未到我手，因為我要佢返屋企係本書寫d野先好俾我嘛...遲d到手就post上來啦﹗
一家賀生日
好耐都冇一家人係屋企食飯。上次都係係我亞公屋企，都唔係係自己屋企食。今日我亞媽叫左我同佢、細妹同佢男友、細佬一齊返屋企食飯，當係同我慶祝生日。不過估唔到返屋企食飯前，又要我去買醋、又要返油、又要買枱布...唉~~~真係有d唔開心，個細妹返到來食完飯，打下patpat就走人，都唔知係咪我生日。好在佢地都買左 Haagen-Dazs既朱古力火鍋上來。
另外，聽日就係我生日呀...不過我請唔到假，因為有個同事佢細妹結婚，就係咁俾佢請左假。好在第二日我都攞到...可以瞓下覺(人家靖唔到假，生日冇人陪) 
報左學車喇(唔係我)
今日放工終於陪人家報左學車喇﹗終於報喇﹗我等左成年幾，俾我等到喇﹗
成功買了波鞋
今日係星期日，聽日一早又要返工，點解要揀今日擺酒呢？今日人家屋企要大掃除，我就要係企等人有時間陪我行街街，不過佢話無論點都會3點出來陪我，好在有做到，跟住我地就去左睇學車d資料，同埋睇我既波鞋，當然直落送埋我去荃灣飲啦﹗之後我就飲到10點就走囉。因為人家係旺角幫我搵波鞋(*)，哈哈﹗又俾佢搵到喎，我咪即刻出去買啦﹗哈哈﹗仲有人送添呀﹗
*因為我想買個對波鞋由kwuntong至kln bay都冇我既碼，我為左對鞋都好唔開心，對波鞋係紫色嘛﹗<----就係這對喇﹗
今天在太和的家
我有一個同事住係太和...而我每次要做工作時都會到她家中。佢屋企只係佢兩公婆住，而我就漸漸...成為左佢地既<女>。係咪好特別呢?不過我真係要多謝佢地係二人既世界裡面，會突然加左我落去。而我就可以好專心做我既工作喇﹗(其實我去佢家工作過夜既日子都好多0架，平均每個月都有兩至三日，有時仲唔只添...)唉~~~唔寫住喇，我又要繼續努力開工。
紅色炸蛋
今日放左工我約了朋友食飯，就係佢要炸我呀!!!!!!!
食飯既時間好快，只係短短一個多鐘，可能因為佢亞媽都一齊食啦﹗有好多野都唔係太敢講。唉﹗今個月又要去飲囉，都登佢開心呀﹗(佢老公又係消防員)其實係我身邊既朋友，真係有好多朋友都係嫁消防......真係唔知點解喎﹗
元旦怎樣過呢
我記得上年31/12晚...我去左同事home打邊爐，佢都有陪我去...我地仲係同事間屋到瞓，我地兩個都係一齊過。不過到倒數時..佢係人地個梳化到瞓左覺。=.=今年31/12我地兩個人一齊過喇，去左睇戲...就係<情義我心知>，睇10:30,所以係戲院渡過新年，但係唔係咁開心呀，因為佢一路睇緊一路攬肚呀，見佢就真係辛苦喇﹗係咁唔係咁順利既情況下佢決定瞓醒之後再睇多一套戲，,成3個鐘呀，到我睇左一半就要去TOLIET喇，真係好急呀，仲有D唔舒服呀﹗因為1/1我一早6點就起身，要帶團去南丫島行山，行到成5點返到來，就同佢睇戲，你話係咪累死我。
*因為我想買個對波鞋由kwuntong至kln bay都冇我既碼，我為左對鞋都好唔開心，對波鞋係紫色嘛﹗