My Secret: January 2007

南區步行

今日終於到左步行既日子，係由深水灣歲行到淺水灣，再去赤柱行一陣街。其實而家都好累，好想瞓，不過又唔捨得d時間就咁sleep左去，又想睇下雜誌，又想睇下電腦.........好多野都想做，不過都唔係工作既野啦﹗明天又返工喇﹗又冇休息過。
點解次次都冇開心野寫下既。

旅行後記

終於upload左旅行d相囉﹗雖然遲左少少。

哈哈﹗生日去旅行，會有好多人人齊慶祝呀﹗個靚女同我同月同日生日呀，我估佢同我都係差不多年紀，但真係睇佢唔出。

都唔知點解咁多野做，工作真係辛苦到嘔，又俾人激到肥左，唉呀﹗人地又病左，日日等入電梯，但係電梯都上到頂樓......又唔知幾時先再有得旅行。

玩完返來呀

wow一個真正既"食瞓團"，一早可以返酒店，可以瞓到成10點，哈哈~係車又係咁瞓。雖然去唔到想去既地方，不過都好呀﹗真係可以休息下，遲d先load相上來。不過玩完又要返工喇，手頭上真係好多野做，點攪好呀﹗

Labels: 旅行

終於報到喇~好險

今日真係好險，旅行社就收8:00呀8:30呀，不過成7:56都未決定到會報唔報其他旅行社，因為真係我難決定。而家我又唔出聲呢﹗不過好在都去得成，雖然都唔知去邊。大家希望我真係旅途愉快啦﹗
本次係去<陽江>3日2夜，大部份時間都係自由活動。

好激氣~唔通真係去唔成

都唔知有冇攪錯，本來係上星期報左「康x旅行社」既旅行啦﹗不過都好驚唔成團，佢話出鰥前3日先會通知成唔成喎! 咁我一定驚啦﹗星期六去問，d人又話未知，星期日又去問，d人又話未睇到，不過機會好大。點知今日星期一喇，收到係唔成團。
真係激到爆~~~聽日成星期二喇! 都唔知搵唔搵得切。

好想去旅行

話咁快就1月喇﹗好快又大一歲，真係唔想咁快老呀﹗
我既人生就係咁樣，日日都係好忙好忙咁過。一早我就安排左今年生日會去下旅行，不過而家都仲未報團喎﹗唔知係咪真係去得成呢？本人真係想去多幾日，有四日假期，緊係想去足四日啦﹗不過人地話玩完要一日來休息，如果唔係返唔到工。咁就只可以去三日玩，不過都好...三日都好過冇嘛﹗
十日都冇，要盡快報團，廣東省就廣東省啦﹗總之就要去旅行啦﹗

新年快樂﹗2007yeah~yeah~yeah~

新年活動都係同聖誕節差不多，聖誕節就係旺角渡過，到新年就係佐敦波過囉﹗
30/12(六)~人家居然要開工，真係激死我喇﹗因為本身大家都想係今日去銀行，希望係2007前開戶口，點知我就放假，佢就返工。最後都開左，佢係銀行關門前一分鐘係公司走入來，我就早佢少少，飛的士早佢2分鐘。真係攪笑，開左之後人地就返工，我就同同事去瘧一個好耐冇去既地方。就係長沙灣工業大廈行下街，真係好多野睇呀﹗一路行就一路等人嘛﹗之後就去左旺角攞coupon之後~~~就由旺角行去TST啦﹗行行下行左去九龍公園，又行行下去左一個乜乜酒店瞭望台，就係度第一次望左閱上8黠既激光煙花喇﹗跟住又行行下搵到間我好想去既日本野就係"一壽司"sushi one食日本野，但係太多人喇﹗就去左對面間日本料理(都係飲食男女有介紹過呀)。真係好開心呀﹗又再行行下，就係TST乘車回家囉﹗
31/12(日)~2006年最後一日，一起身食左個唔知係早餐定午餐就出門囉﹗又係去左九龍灣睇下有乜戲睇，不過唔岩時間，咪又去左旺角睇下有冇戲睇，睇唔岩又行行下去左油麻地電影中心睇啦﹗又唔岩喎...哈哈~又行行下去左佐敦，晚餐就係日本壽司。WOW~又係日本野呀，正!正!正!雖然只係金太郎，但係都開心嘛﹗食完又行行下去左九龍公園，跟住我覺得唔對路喇!今晚要倒數成9點先係九龍公園，再去TST一定唔可能，於是就行返去佐敦先有車搭返。都係返屋企開心舒服，不過就有媽媽...返到觀塘買左豆腐花、栗子俾媽媽做消夜。都係睇住個電視倒數開心D，又唔駛同人迫喎﹗
就係咁樣過左2006年﹗2007年希望有新既生活，新既快樂俾自己﹗
YEAH! HAPPY NEW YEAR!

My Secret

Sunday, January 28, 2007

南區步行

Saturday, January 27, 2007

旅行後記

Sunday, January 21, 2007

玩完返來呀

Tuesday, January 16, 2007

終於報到喇~好險

Monday, January 15, 2007

好激氣~唔通真係去唔成

Sunday, January 07, 2007

好想去旅行

Monday, January 01, 2007

新年快樂﹗2007yeah~yeah~yeah~

About Me

Links

Previous Posts

Archives