Wednesday, November 30, 2005

美容師職業病???

今日上左第三堂美容班，到落堂時，有個叫做高級營業經理行過柩同我講：「可能係職業病啦﹗一見到你塊面有咁多雀斑、死皮...，我就好想幫你即刻清理哂。」我不知幾咁傷心，我夠知差啦，唔係來上堂做乜呀...但係我唔會白白地受傷既，我就答佢：「做你地尼行既老公咪一定好多野玩，淨係個塊面都日日都要俾你清。係咪係地鐵度見度個d女仔同d男仔係咁整塊面d暗瘡，d女仔一定係同你係同行囉﹗

posted by purpleaileen @ 10:43 PM 1 comments

Thursday, November 24, 2005

DIY美容班

逢星期三都要上堂，今個星期係第二堂，真係唔得掂。
第一堂，用左一個鐘講notes，教你點樣樣洗個面，俾你用下佢d產品。點知...我都係做左第一步(用洗面奶洗面)，就出事喇﹗我塊面敏感....唉..你話死唔死。
第二堂，係用左一個鐘係參觀美容院，之後就係教修眼眉、畫眉。唉...咁就冇左第二堂。仲淨番四堂...............我都唔敢想囉﹗
女人錢，真係易騙....

posted by purpleaileen @ 11:11 PM 0 comments

Sunday, November 13, 2005

問題少女

女孩子最多假設性的問題。男性們最害怕的莫過於回答問題時稍一不慎或表現得不夠真誠的話，會導致不測。
平心而論，女性們的假設性問題很多時都流於無聊。
例句一：假如有一天我患了乳癌，你會離開我嗎？例句二：你那位女同事美艷動人、身材惹火，假如有一天她向你獻身，你會捨我而去嗎？
男人很難答你會不會的，當然此刻他必定答你不會，他未必有心欺騙你，因為事情還未發生或者永遠不會發生，他根本想像不到會或不會，而放在眼前的就是活生生一個等著答案的女朋友，將心比己，你又會怎樣答？他怎麼可能為了一個可能一世也不會看得上他的美艷同事而得失你哩！當然，作為男性亦需要體諒一下你的女朋友。這些假設性的問題，都不是她想殺掉你而編的計謀，她只是想拿一點安全感而已。

看完這篇文章，唔知我係咪都係問題少女呢？

posted by purpleaileen @ 10:03 PM 0 comments

Saturday, November 12, 2005

信用咭~是令人煩惱的

我d信用咭都唔知做乜事，佢令我好煩惱呀﹗
上個月就唔知點解用唔到繳費聆，今個月又過唔到數。好在有人0錫番下，同佢一齊咁耐，終於第一次主動安排同我睇戲食飯。大家唔好以為咁普通，係我同佢拍拖既日子裡面，佢係第一次安排呀，唔駛問我，佢好叻仔呀，自己選擇到一套戲(當然係佢自己like啦)，對佢來講已經係very good喇﹗希望佢繼續努力啦﹗
我係咪睇得好開呢？我相信咁樣想會令我開心好多好多...
其實今日我有一個發現，就係我本schedule book呀..原來每個月都有一句鼓勵既句子喎﹗今個月個句好0岩今日用「不要要求太完美，相信，人有缺點才可愛﹗」
咁想用後，今晚我會好好瞓喇﹗

posted by purpleaileen @ 11:56 PM 0 comments

Friday, November 11, 2005

愛一個人很難

大家又點睇以下既文章呢？
愛一個人很難，高難道的不是愛情的本身，而是我們的心。
每個人都有自己的思維，而這思維是經常變動的，有時自己都未必能捉摸得到自己的心。愛一個人的時候，我們經常都會有患得患失的感覺，因為愈愛一個人，我們就會愈緊張對方，但在愛情裡面，緊張往往會做成反效果，尤其是對待男人。男人希望情人的關懷，但就不喜歡對方過份的緊張。男人可以承受事業上的無盡壓力，但愛情上的少少壓迫感就會令他們透不過氣來。
能夠不做問題女朋友，通常都會得到男友的愛錫，但對於女孩子來說，不問問題比一切都難，除非自己根本不愛他。

posted by purpleaileen @ 10:40 PM 0 comments

計劃 X"mas去旅行

今日去左好多間旅行社，因為聖誕節想去下旅行，當然只係短線啦﹗不過每次都係得兩三日假期，真係好慘，有時想兩個人多d時間相處都唔得，兩三日好多就會過0架嘛。唉﹗冇得好揀，都係大陸多。
聽日係星期六喇，我可以放假，不過下午又要去聽talk，仲要去灣仔咁遠，4:00-5:30，d時間真係唔好用。

posted by purpleaileen @ 10:14 PM 0 comments

Tuesday, November 08, 2005

談私人空間

今日我好唔開心，我要同佢講清楚，我真係頂唔順喇﹗因為佢琴晚係我嬲緊佢時講左句：「每人都需要私人空間」，雖然而家我同佢冇事，不過令我想起以下這段文章：
現在的男人不同從前的男人，從前的男人要女朋友溫柔體貼，現在的男人要女朋友溫柔但不要「睇貼」，男人要空間，不喜歡女朋友「又睇又貼」。當然，男人不會明白給他們空間是要很大的信任和忍耐。不是偏幫女性，但無疑很多時，女方都會發覺男朋友在自己身邊時，手提永遠是好端端的，但一到自由時間時，女朋友想找找男朋友，電話就總是收不到或響了很久都沒有人接聽。女孩子當然滿心問號，怎麼和我一起時上山下海電話也正常無比，一離開自己身邊電話就總是收不到或聽不到或忘了攜帶？男士們，你們要空間是絕對沒錯的，但請拿點信心，給著緊你的女朋友啊！
如果佢明就好喇﹗

posted by purpleaileen @ 10:07 PM 0 comments

Monday, November 07, 2005

瑜珈班~與~距離

今日我上左第一堂既瑜珈班。
嘩﹗唔好講笑，個MISS真係好靚，身型又FIT，好夠高(高過我呀)。原來佢係做PART-TIME教YOGA，正職係PCCW既行政人員。WOW﹗正﹗估唔到落左堂之後，我同佢既緣份仲未完，又撞到佢男朋友接佢行街街，重點又出現，就係佢男朋友同佢好相襯呀，大家都係行政FEEL，男既....成熟穩重、又夠高、又一表斯文有禮、五官端正，女既...斯文大方、友善開朗、人靚聲甜、高貴溫柔...正呀﹗

大家都係女性，點解會令我有咁大既距離感呢？
大家都有男朋友，點解個男朋友都係有咁大距離呢？
我完全明白乜野係"距離"。

posted by purpleaileen @ 10:07 PM 2 comments

Saturday, November 05, 2005

忘記了~別人的大喜日子

今日我居然唔記得要去一個舊同學既婚姻註冊...真係大件事呀﹗其實我都係每個月一次既事務，點解我都會唔記得。
不過今日又真係忙，因為要開學校既班會同家長會。之後就返左屋企瞓覺覺.....我俾人傳染左

posted by purpleaileen @ 9:19 PM 0 comments