My Secret: May 2007

失望的邊爐

wow...星期一放工約左位老友打邊爐，一心去試下間<小肥牛>，點知友人又遲到，去到又等唔到位，又早退。唉~最慘係去左一間唔知乜鬼既大酒樓打一個都算貴既邊爐。唉~~~好失望，近年友人時常令我失望。

平凡的愉快假期

星期日又係一星期最開心既日子，可惜係雨天。不過都好好彩，瞓醒左就出去飲茶，一去到等一等就有位，之後望到窗口出面，勁呀﹗d雨點大粒到好似點...好在飲緊茶。之後就去睇左套戲<醜女大翻身(200 Pounds Beauty)>，睇完有少少感想，就係...想減肥，因為我知佢其實真係好想我減到，雖然佢唔係成日會講，但係我知佢真係想我健健康康。所以夜晚又同事一齊打下羽毛球囉﹗當然，一次半次既運動係唔夠，不過都好過冇啦﹗

Labels: 假日, 日常生活

中學同學聚會(二)

星期五又有中學同學聚會，wow打邊爐，正呀﹗有得食嘛﹗哈哈﹗今次就有位朋友要到中國工作，可能要一段時間先回港，咁又可以食多次飯，大家又可以見多次面。
回想中學時代真係好開心，可能我既中學時代比人長d，所以有不同年期既朋友，眼見大家健健康康，精精神神，不禁想起自己真係要努力，我要回復青春呀﹗
最後，多謝朋友送我回家啦﹗我終於唔係好怕坐佢車喇﹗

Labels: 同學聚會, 心情

回想中學的日子

嘩~連續三日食日本野，真開心呀﹗星期一係九龍灣食元氣，星期二係apm食元氣，星期三就係mk食金太郎，yeah!
星期二同中學同學食下飯傾下計，回想讀書時，真係好開心呀﹗這年開始到中學同學結婚喇﹗見到她找到自己的幸福，真開心。11月就有得去飲喇﹗我估到時一定會見好多老朋友。
今日既假期就好似星期日咁，瞓到中午起身，出街行行又一日。
點解假期咁快過呀﹗

Labels: 假日, 同學聚會, 心情

家長會(06-07下學期)

又到家長會，今年係我最冇準備既家長會。唔知點解呀﹗星期六要開喇，星期五先知原來要講d乜，可能仲係唔適應啦﹗又可以話自己學下人講原則，原則會令人煩惱。下午開始，一開就六點幾，當然同大家傾計，同埋分享下對我唔係難度。不過有人問：
下年度你會唔會跟班呀？我地好想呀，你又知佢地既背景同埋同我地d家長咁熟。
你會唔會留班等我個仔升上來教佢呀？我兩個女你都有教，你一定要教我個仔呀﹗
出年你係咪教返n班呀，我個女來讀喇？
哈哈~不過唔知有冇機會問到佢地既問題喇﹗
下年既事，冇人知嘛﹗
因為我係時間要接受新挑戰。

Labels: 工作

早放工的日子

呢幾日好早放工，由星期二開始，一放工就同人家去左唱k，真係好云未試過唱k之如，係平日咁唱真係未試過，不過又真係好開心架﹗琴日又係一放工就約左個舊同事去打邊爐，好正﹗不過一路食就好累好眼瞓，食完仲去食ice_cream添，你話問心唔開心。今日都好早放，人家出site2點幾就放左工，終於有人接下放工囉﹗真係好耐冇人接過放工囉，咁就一放工就即走啦﹗哈哈~原來放早又真係幾好，準時4:30就步出課室，再步出學校，感受一下陽光照耀既感覺。不錯不錯﹗

Labels: 心情

母親節

一年一渡既母親節又到，一早起身本來想飲下茶，嘩~普普通通既都要等多100個位先有，最後去攞位既人就去左一間超普通既酒樓，等左10多個位就開左張枱喇﹗飲完茶就去左OTO同OSIM到試下機。個妹話買咪買囉﹗4個人每人$400，最後都係OTO買左。之後又上返去公公HOME食飯。其實朋友仔都算係咁，係咁既情況下，佢都幾辛苦。攪掂一單仲有六月生日，真係傷腦筋。

Labels: 節日

瞓覺覺

今日天氣真係好，不過一放大家食完個lunch就返屋企sleep囉﹗真係未試過咁瞓，瞓醒之後就有d後悔，點解唔出下街呢?唉~唔瞓都瞓左，咪當休息下囉﹗其實可能仲好。哈哈﹗

Labels: 假日

海上假期

6/5(六)-7/5(日)
今個星期六真係開，好耐未試過放短週，仲要人家又冇工返。哈哈~仲唔即刻想下去邊玩下、休息下。終於想到啦﹗就係上船出大海喇。
好耐都冇上過船，今次就揀個末上過既去下啦﹗就係「海王星號 Neptune」。雖然係冇乜野做，係架船度冇野行，只係去娛樂場睇人賭錢，不過都幾開心呀﹗上去舺舨度行下，吹下海風，wow~~~TITANIC咁。不過就好夜瞓，掛住睇人玩。嘩~返到屋企就瞓返成5個鐘。
夜晚就約左同事一行4人打下一個鐘頭既羽毛球，相當健康。
GOOD~~冇想過同做過工作。

Labels: 假日

My Secret

Tuesday, May 29, 2007

失望的邊爐

平凡的愉快假期

Sunday, May 27, 2007

中學同學聚會(二)

Thursday, May 24, 2007

回想中學的日子

Sunday, May 20, 2007

家長會(06-07下學期)

Thursday, May 17, 2007

早放工的日子

Sunday, May 13, 2007

母親節

Saturday, May 12, 2007

瞓覺覺

Monday, May 07, 2007

海上假期

About Me

Links

Previous Posts

Archives