Tuesday, February 27, 2007

初九假期最後的一日

今日突然有親戚來拜年，一早起身就要出去飲茶。心想緊仲有好多野未做喎﹗返到屋企，上吓ym又上吓msn，同下d朋友傾吓計，平日真係唔會係呢d時間上到網嘛。跟住就同上次去旅行先識既同月同日生日既朋友仔傾計，傾傾下，原來大家係有緣人。我同呢位朋友都係同年同月同日生日，仲要同住地區，嘩﹗真係岩。大家都覺得好有緣呀﹗大家都住觀塘添，遲d真係要出來玩下食下飯先得。
除有咁大發現之外，我都有做下野，不過主要發力都係晚上開工。
假期完喇﹗真係好唔捨得，呢個係我既工作上最長既假期，要完結喇﹗唔知再有冇機會放呢類型既假期呢？

p.s你快d返啦﹗=.='

Labels:

posted by purpleaileen @ 12:13 AM 1 comments

Sunday, February 25, 2007

初八活動

今日真特別一早俾我妹男友來嘈醒左，佢男友話電話冇電，咁我就起身借佢個冇人打俾我既電話俾佢，因為佢去搵位同我地去飲茶，apm飲完茶，細佬就出街街，妹同佢男友再同媽就去車公廟。我媽安落啦﹗佢就係想咁，有人俾佢囉﹗
之後就打左個電話俾SS，就係呢個電話我就出左街，今次既組合真係好特別，都未試過，哈哈~幾特別呀﹗睇下戲，食下晚飯咁就過左一日喇﹗對我來講係開心呀﹗因為真係好耐未試過同朋友仔出街，起碼冇人係度時，又唔想俾人嘈，都有人陪下啦﹗
朋友真係好緊要，今日好開心，原來自己仲有朋友...多謝哂^.^

Labels:

posted by purpleaileen @ 10:37 PM 0 comments

Saturday, February 24, 2007

初五六七

初五六，做碌木。
初五 只係出左街買下野，分別去左牛頭角，再出旺角教協(我要買野返學校用,唉﹗)，再返九龍灣，去左豐澤買夾餅機，再去supermaket買材料，準備初六開工整格仔餅。
初六 初試牛力，格仔餅粉漿真難攪，最後都好似唔係好似咁，哈哈~下次再努力啦﹗時間又唔夠用，人家又要趕時間，又要飛返出教協，如果一早知就琴日去左唔駛行多次嘛﹗如果唔係要出多次教協，我估一定夠時間俾我地再試，而家相信一定有水準出現，真係可惜。
初七 各位生日快樂!人地返左鄉下喇﹗老朋友又去旅行，乜初七出門好好咩﹗激屎我﹗不過唔係咁，我都唔會寫番咁多日記啦﹗仲有學校既野未做，唔知有冇心機開工做下野呢？哈哈~~~

Labels:

posted by purpleaileen @ 3:05 PM 0 comments

初四bbq

初四日子，我等左好耐，因為有得bbq，本人真係好耐好耐冇bbq喇﹗中午1:30出發去油塘幫手攞野，2:30再去彩虹地鐵站匯合所有出席同學，一齊步行到麗晶旁既...好似叫做消防同樂會定乜乜消防度bbq。wow前後總出席人數好似有成14,15人，雖然間中都有微雨，不過都燒到打烊呀﹗成晚上10點幾，落哂大雨大家先走。食得多唔多野，唔駛講啦﹗我都有分數嘛﹗哈哈~~~真係開心呀﹗

Labels:

posted by purpleaileen @ 2:41 PM 0 comments

初一二三

初一 齊齊上公公家拜年，今年我同妹妹都係第一次帶多個人來，所以都算大陣容，好少可會男多女少。咁多男人一定有一d有益身心既遊戲玩，分別有買大小、魚蝦蟹、四方枱...等遊戲活動。就係每年交學費既時間，都唔知係咪出來做左野，平時真係好少玩，比起細妹細佬，大家姐都冇面俾囉﹗
初二 每年初二都係有親戚來拜年，一個中午就咁一齊食下飯就完，今日好耐冇試過最多人係企食飯既日子，除我細佬冇派出代表同亞爸冇出現，都有成10人食飯。食完飯，大家閃，晚上就係自己家既團年飯，哈哈﹗要等到今日先食。
初三 普普通通出去行街、食下飯、睇下戲，咁就開開心心過一日。

Labels:

posted by purpleaileen @ 2:19 PM 0 comments

年三十

今日假期出去行下街，仲計劃左午夜遊花市。哈哈﹗行完街，2人兵分兩路，我就返屋企交人先，佢就返屋企沖涼再浦頭喎﹗一齊食左飯後，再休息下先出動，睇下電視，食下水果，咁就12點幾，係時候喇﹗
嘩~點會咁多人呀﹗要排長隊，都唔知d人係邊度來，唔通大家都係諗住夜d先出來行。今年最特別既物品相信就係「吹氣珍寶珠」，$60一個大，$50一個細。我就真係唔買囉﹗買完都唔合做乜，不過我都買左一樣野，叫做代表行過花市嘛﹗
就係佢喇﹗

掂過碌蔗

Labels:

posted by purpleaileen @ 2:01 PM 0 comments

Friday, February 16, 2007

第一日假期

~ 一早想起身，起唔到
~ 落樓下食飯
~ 返屋企睇電視
~ 瞓陣覺
~ 行街，慈雲山-->鳳德村-->新浦崗-->九龍灣
~ 結果，有兩個心水喇﹗
希望睇定左就可以開始發下夢計劃下啦﹗

Labels:

posted by purpleaileen @ 9:14 PM 0 comments

Thursday, February 15, 2007

放假喇

終於都放假喇﹗我仲攞左好多野返屋企，雖然都唔知自己做唔做，不過都係心安0者。d書又重，好在有人幫下手，唔係一個人搭的的都唔得掂。唉~~~都唔明點解放假都要做野，仲要mail d野俾老細，睇$份上，我要努力、努力、努力。

posted by purpleaileen @ 8:31 PM 0 comments

07情人節

情人節，情人心情麻麻，自己心情差差。情人有大禮物，自己當然係冇禮物。不過都過得開心，只要兩個人開開心心，日日都可以係情人節啦﹗

posted by purpleaileen @ 8:30 PM 0 comments

Friday, February 09, 2007

大出...血

真係唔習慣見唔到佢既日子，太少時間喇﹗幾時先會改變呢﹗希望佢快d成事啦﹗
不過今日我就準備禮物俾佢同自己喇﹗因為我估我唔會有禮物。就係咁樣，冇左成半個月糧。買既過程好開心興奮，但過後就有d後悔，仲好驚會俾人鬧。不過收獲真係唔錯呀﹗

posted by purpleaileen @ 8:00 PM 3 comments

Wednesday, February 07, 2007

好忙呀

真係多野做到暈，日日都要做到夜媽媽。太討厭了~~~今日我要準時走，係日日都要準時。

posted by purpleaileen @ 7:54 PM 0 comments