Monday, March 27, 2006

下雨天,真討厭

本人真係十分之唔喜歡下雨天，真係好唔舒服，真係好唔開心。成個人好唔知點好，好想瞓覺，又想沖涼。瞓又好似唔知點咁，食又唔知點...唉﹗好唔鐘意落雨呀﹗

posted by purpleaileen @ 7:53 PM 2 comments

Sunday, March 26, 2006

皮膚靚靚再現了

嘩...又一次證實，睡眠對皮膚係好重要既。由星期五放工之後...太概6點就瞓到10點，跟住11點幾又瞓到9點先返工，星期六又6點瞓到8點半，跟住11點前又去瞓，瞓到星期日1點半，再由5點瞓到9點，食完個飯，寫完個blog又去瞓。而家去望下塊鏡，塊面d毛孔又細，面色又紅潤。所以證明到睡眠對皮膚係好重要。

posted by purpleaileen @ 10:28 PM 2 comments

Friday, March 24, 2006

咁都可以「拗柴」

落雨天，十家要小心...尤其是上落交通工具既時候，再加上天黑黑。我身邊個人，就係咁....「拗左柴」，連工都返唔到。其實拋柴只係一件意外，但係點解我都仲要問「點解你咁都可以拗o架?」

posted by purpleaileen @ 10:27 PM 4 comments

Tuesday, March 21, 2006

壞人

女人的不擇手段，多數是出賣自己。
女人出賣肉體，為求走捷徑。而我相信，有些女人走得到，有些女人不。
有男人運的女人，可以出賣自己得到她想要的，出賣，換來報酬。但無男人運的女人，出賣自己之後，不獨上不到位，反而被人揚開去，得不償失。
男人，最痛恨這種女人。男人難以出賣肉體搏上位，同樣具有不擇手段性格的他，會為女人搏上位的輕易而深感不公平。
男人的不擇手段，是出賣別人。
敵人、朋友……都是外在性的人物，男人不介意出賣他們。老婆、女朋友更不用說了，算得上甚麼？
男人賣不了自己的身體，就賣其他。
壞女人出賣自己，壞男人出賣別人。
壞女人出賣自己的對象，又是壞男人。如此這般，兩個不擇手段的人，正好配成一對。
女人不會殺人放火，女人會唆擺男人去做，而她自己則在一旁煽風點火。
男人不會唆擺女人去不擇手段，男人覺得女人要壞，是她自己天生的。
女人會愛上壞男人，壞女人當然更會愛上壞男人。
但壞男人，卻往往愛上好女人。男人壞，常常自覺是為勢所迫。但男人看壞女人，卻又會認為她天生品性就是壞。
始終，壞男人比壞女人容易接受。因此壞女人，最後要扮乖去吸引男人。但壞男人，卻有大把好女人鍾意。
點解我唔明既。

posted by purpleaileen @ 8:43 PM 0 comments

Monday, March 20, 2006

珍惜身邊那位很會吃醋的人

好文章
長久以來，網路上如「我的女友好會吃醋，我連和女的朋友單獨出去都不行」或「我的男友查勤查的好勤，我沒有一點自己的空間」等之類的問題總是不斷出現。 「有了男女朋友後，究竟還能不能、應不應該再有紅粉知己」的討論。
每次都引起正反兩極的評論；
現在，我想告訴各位，理論上，男女朋友間應該是該有屬於自己的空間，但那是理論上，實際上，請不要吧！理論與實際是不相同的。好好的珍惜那位在妳身邊，總是為了小事吃醋生氣的那人吧；因為，能夠被一個人這樣深深的愛著，是幸福的。相愛的男女朋友，對方的一舉一動，總是會胡思亂想的，很正常；所以，有了男女朋友後，請不要再對異性太好，真的，尤其是前男(女)朋友；為什麼呢？請讓我說給大家聽：
1.情人眼裡是容不下任何的小沙子的；
真正愛你的另一伴，是無法在你和其他異性聊天，單獨出去時，沒有任何的感覺的；若你的另一伴不會吃醋，不要高興，因為他/她可能不是真的愛你，不是很在意你；亦或是你們二人的感情已經成為一種習慣，對方沒有你/妳好像不行，但有你/妳卻也沒什麼感覺了；
這時，真的還是愛情嗎？當然也真的會有那種人，那真的要恭喜你/妳！
2.你/妳為什麼要有紅粉知己？
真的只是單純的好朋友嗎？別欺騙自己了。那麼多異性，為何你/妳就只找他/她？因為，你們一定是彼此喜歡，就算沒有，也有一點點喜歡，或是一點點點點…對吧！那更何況是你/妳之前的男女朋友呢？你們曾經相愛過耶!!或許，你/妳對紅粉知己真的沒有愛情，但，你/妳站在你/妳的另一伴去想，怎麼可以容許你/妳和你/妳有一點點喜歡的人出去呢？
畢竟，你/妳會和你/妳現在的男女朋友在一起，當初，也是從聊的來的朋友當起的吧！
3.為什麼要有男女朋友？　
因為對方會為你/妳做很多事情，很多很多朋友不會幫的事，你/妳的男女朋友都會幫你/妳；既然如此，你/妳怎麼忍心再去有紅粉知己呢？甚至告訴大家，我和我的紅粉知己有多契合！廢話，每天在你/妳身旁的人是誰？是你/妳的男女朋友；在一起的時間久了，當然，衝突也就愈多；拿一位偶爾見面的人和一位每天在身旁的人比較，多麼不公平呀！
人，對於在自己身旁的人都不知道珍惜?
卻只喜歡那個沒有結果的人。真的，好好的去珍惜現在你/妳身邊那位會管你/妳，會吃你/妳醋的人吧！不要覺的他/她不講道理；因為如果要講理，那就做普通朋友就好了，普通朋友就不會管你/妳，而且，還會永遠說你/妳好話；相愛的情人，任何的吵鬧，嫉妒，猜忌，孩子氣等行為，都是合理正常的。 如果現在的你/妳，正在因為你/妳的男女朋友無理取鬧而生氣，拿起電話打給他/她吧！換個角度想想，你/妳是幸福的。

posted by purpleaileen @ 9:28 PM 2 comments

Sunday, March 19, 2006

California Fitness Centers

今日去左做運動，一入門口，就有個乜乜general manager行埋0黎就講「兩位剛才我睇到你地個會籍仲未upgrade既，你地唔知我地係15,16號有個xxxpromotion咩」
「唔知喎」
「我地新舖開張喎，應該有同事通知你地呀﹗唔緊要，我而家幫你地睇睇，睇下仲有冇個優惠先。你地都參加左1年以上啦﹗過0黎坐先，阻你地一分鐘」
「個promotion係我地經理先做到個優惠俾你地，今日本來我地d經理係唔駛返工呀，不過就係知你地有好多人收唔到通知，所以今日會幫你地upgrade」
「不如我地做完運動先啦」
「你地係couple package仲好，等我幫你地check下仲有冇d優惠先，如果冇我都做唔到俾兩位」.......
過左差不多20分鐘...佢用左好多唇舌，我就保持姿態唔會做決定既人...傾左好耐
...忍左好耐，都係開左聲同個乜乜manager講，「我地需要一d時間去消化你既優惠，而且都要時間去商量一下，優惠太特然，亦真係太優惠，不如大家都唔好浪費時間，我地做完運動會落0黎答你」個乜乜manager想講野時，我又講「8黠我地會做完，到時係搵返你啦，唔好意思你點稱呼」跟住佢就放人，我地咪做運動啦﹗到走時...我要求佢答人地，我唔會出聲。當見到個乜乜manager時，個manager望住我，我就好有禮貌做左個手勢，表示我唔係決定者，manager就望番佢。總之最後，我地係決定唔會upgrade個會籍0架。
一次個俾哂差不多4年會費(成6百幾7百蚊x12個月)，之後可以玩到2010年都唔駛俾錢，upgrade左仲可以間間都去得玩，真係抵。不過我地唔會囉，又唔係唔去fitness center冇得做運動。

posted by purpleaileen @ 10:30 PM 0 comments

Saturday, March 18, 2006

樹欲靜而風不止、子欲養而親不在

樹欲靜而風不止、子欲養而親不在

http://home.graffiti.net/vincentchu:graffiti.net/old-parent.htm

原來一直幫我扛著頭上那片天的巨人
人也會變老....

你留意過自己的父母嗎？
您的父母還有多少時間等您？
樹欲靜而風不止、子欲養而親不在。

後記： 《余光中的一段詩》
母難日，今生今世，我最忘情的哭聲有兩次，
一次在我生命的開始，一次在妳生命的告終
第一次我不會記得 是聽妳說的，
第二次妳不會曉得 我說也沒用，
但兩次哭聲的中間啊！ 有無窮無盡的笑聲，
一遍一遍又一遍，迴盪了整整三十年，妳都曉得我都記得。

posted by purpleaileen @ 10:54 AM 0 comments

Thursday, March 16, 2006

別人給我的意見

你也知道，你甚麼都比他優勝，所以，他想愛你卻不知怎去繼續，無理由，女朋友贏過自己太多。 女孩子前進得太快，男孩子就會落泊起來。這是很平常的情況。
不要逼他，讓他有空間進步。你就告訴他，你和他分開半年，要是半年後他長大了、懂得不再傷你心了，才再在一起吧﹗

問題係..我又唔係好叻，點解都出事呢﹗

posted by purpleaileen @ 10:04 PM 2 comments

好耐未試過一個人

原來一個人過既時間真係過得好慢好慢，同事放工陪我行完，返到屋企就瞓覺。雖然瞓覺著，但知味不太好受。食完飯，上下網，睇下野，都未夠鐘再瞓過。不過好在都係比我想像中好好多，食得瞓覺，只係冇乜感覺。如果今晚個朋友早返屋企，一於叫佢過來陪下我。而家電話唔敢開，唔知會唔會有d救星電來搵我嘛......唉......

posted by purpleaileen @ 9:46 PM 2 comments

Sunday, March 12, 2006

一個舊同學/朋友

pkyu aileen's Johari Window呢個website係一位中學同學send俾我，佢話玩下無妨。
呢位同學真係好耐冇見，係中學時既男朋友既好朋友，以前都會上我屋企幫我整下電腦，上過我屋企既人唔多，可想言之佢係一個幾得我信任既人。佢今年25歲，係一個好靜好cute好肯幫人既男人，做一份好普通既工作，係一間y&c centre做pa，就係咁識左佢個女朋友都成2年喇，佢女朋友係一位社工，學識、人工、人際關係樣樣都好過我既同學，年齡大佢3年，不過佢地相處得好好。今日同學同我講，佢resign左份工，因為對份工已經冇哂heart，佢話「頂唔順...精神上...好辛苦...同事做到不聞不問....好似得你一個人做咁，你有你做，人地有人地做。仲有係中心上下無人咁話我半句...但咩都要你去處理...重要俾家長..小真係咩工作熱誠都無喇..心死。」睇到呢度.....唉....仲有上司，佢又話「上司唔係好衰人...但我覺得佢係一個做得唔好既主任，佢做野都好亂...我整齊過佢」。嘩﹗想想下好似自己都係咁。仲有「主任佢唔珍惜我們，對同事無鼓勵。這點足以使呢間中心3年內走3個社工，3個pa..一個姐姐」。我完全明白佢既感受，不過佢點解唔搵左工先呢resign呢，又唔可以俾屋企人知，要係一個月既時間內搵到，係有d難度，好在佢有個好女朋友幫到佢。一想到呢度......我又不禁「唉」左一聲。不過同左舊同學傾完計，我又好似有d輕左既感覺，我都唔知點解。anyway，大家努力啦﹗將來係要自己努力爭取番來既。

posted by purpleaileen @ 6:11 PM 0 comments

Friday, March 10, 2006

久遠了的一身鬆感覺

好似好耐未放過星期六喇﹗一放可以放兩日既感覺好輕鬆，真係好耐都冇呢種感覺。其實要做既事仲有好多好多，多到我都唔知有幾多，可以一兩個月唔返工都做唔哂。不過難得既假期，當然我要好好咁享受啦﹗今晚點都要真真正正咁休息，係心靈上既休息，真係好舒暢啊﹗

posted by purpleaileen @ 9:30 PM 0 comments

Thursday, March 09, 2006

幼稚

幼稚的女人是以為愛情機會不斷來臨的女人，她以為好的選擇可以直到永遠，以至她不懂得珍惜每一段關係。
幼稚的女人也可以是太愛每一個男人的女人，那個男人很差很差，她仍然忠心不二，最後，這個女人就死無全屍。
幼稚的女人是當男人無腦的女人，她在被追求之時太意氣風發，她隨便就表露出她的不屑。當男人一天追到手之後，這種女人是會被男人反過來待薄。
幼稚的女人誤會了搶走其他女人身邊的男人，就是成功的女人。
幼稚的男人是以為女人都簡單的男人。
幼稚的男人認為女人都是貪錢的。
幼稚的男人愛虐待女人以控制女人。
幼稚的男人以為牢困一個女人就是對女人最好的方法。
幼稚的男人害怕叻女人。
幼稚的男人只能以暴力控制女人。
幼稚的男人以為錢是萬能，由朝到晚都想發達。
幼稚的男人無心肝，女人對他有多好，他也視而不見。
幼稚的男人對凡移情別戀的女人只有懷仇之心，而沒有自我改進之心。

posted by purpleaileen @ 10:45 PM 2 comments

Tuesday, March 07, 2006

換領身份証

今日終於去左搵新既身份証囉。不過張ID張相好似怪怪地，都ok。佢張就正啦，比起佢以前張ID個樣型好多，醒過真人個樣，我對佢張ID張相既評語好好。但人佢對我個張就.....「你個肥啫啫，點解唔減左D先去換...你睇下張相...咁就一世喇﹗你造點算.......」我都唔明，男人之家都唔收下把口既。

posted by purpleaileen @ 9:29 PM 0 comments

Monday, March 06, 2006

好火好激氣

真係好激氣，今日發現左我唔應該知既事。我媽叫我幫佢打個網址時，我見到佢個電話book到有kenny既電話，唔止係手提，佢屋企既電話都有。我第一個反應就係問問問，她竟然仲話：你唔鐘意咪畫左佢囉﹗我都唔記得呀﹗唔知得咩。嘩﹗真係...頂xxx，咁耐以來佢都唔尊重我，不過今次唔單只係我，佢唔尊重埋k，我就火啦﹗人地既電話又冇話俾佢，想知咪問囉﹗點講佢都冇理由自己係屋企既電話紀錄抄。平時d信，睇左拆左我都唔理佢，話完就好少少，不過今次真係離譜。
當然我都有向朋友同埋佢宣洩我既不滿啦﹗不過我都係好激氣好激氣﹗
氣憤﹗氣憤﹗

posted by purpleaileen @ 10:56 PM 0 comments

Sunday, March 05, 2006

好日子

今日雖然係星期日，但係我都要一早起身，因為我11:00am要到TST既婚姻註冊處。今次係ROY既細妹既好日子，真係開心，不過唔知呢？對今之既感覺好似有D兒戲，可能佢地俾自己YOUNG左D啦﹗估唔到ROY既父母仲認得我，大家都知我轉變左咁多，佢地都認到，真係利害﹗
其實琴晚係嬲左何衰人，不過俾佢估中我想睇個套戲，就放過佢一次啦﹗跟住就返屋企煮飯仔，四餸一湯，都食哂，我地兩個既食量真係太恐怖喇﹗食完就去睇戲，<天生一對>又幾好笑既，睇完戲個人先開心番咋﹗

posted by purpleaileen @ 11:53 PM 0 comments

Saturday, March 04, 2006

唔好睇少女人~大食(二)

昨晚(五)嘩﹗我又去左一個同事屋企做野，點知我地既dinner又係好豐富。分別有好多叮叮既點心(燒賣、蝦蛟x2、牛肉、魚翅蛟、小籠飽)，仲有好正既辛辣麵x2，同埋一盒麥樂雞(9件)。勁呀﹗

posted by purpleaileen @ 8:51 PM 0 comments

Thursday, March 02, 2006

日子很難過

近日覺得日子很難過，3月又冇左一個同事。唉~係這間學校都咁多年，但係一個個好同事咁走，究竟係乜野問題呢？有時都唔好唔信，工作3年會有一個沖擊。入行3年係我既第一個低潮，第二個3年又出現喇﹗係唔係低潮我唔敢講，不過一定唔係好過。好耐冇唔想返工，同埋返唔返都係咁既感覺，真係唔知點算。仲有好多野要做嘛...老細係一個月前已經冇望過我，就算我搵佢，佢都好快好快就請返我出來。佢既笑容亦變得好假，有一種感覺...好似一路以來我地係談緊戀愛，不過...當大家開始發現出左一d問題又唔去解決，但係又唔想關係會惡化，跟住就大家逃避大家，一開始就係眼光逃避，跟住...我都唔敢想......等我搵下有乜野歌好似而家我既心情先。

posted by purpleaileen @ 10:35 PM 3 comments