Sunday, October 29, 2006

Relax

今日佢地走喇﹗我可以瞓番自己張床，係自己電腦做野，又可以輕輕鬆鬆睇電視，又可以出行食飯...自由返回自己身邊。so good﹗不過下星期要好努力做番未做完既野囉﹗(工作上)
送完機之後，做人輕鬆哂﹗仲約左個老朋友食飯。今晚一個字形容"relax"。好耐未試過睇戲，睇戲仲可以係爆谷、薯片、芝士腸，wow...爽﹗仲要冇壓力，咁先開心嘛﹗之後去左食飯，都係冇壓力咁食...。so relax...如果每個月都有一之relax下就好囉 ﹗

posted by purpleaileen @ 11:59 PM 0 comments

Tuesday, October 24, 2006

好驚險呀﹗

今日放工返屋企，落小巴之後咪過馬路囉﹗不過自己又衰，唔係班馬線到過。不過我自己明明真係望到冇車嘛﹗又唔知自己點解突然行得咁快，人地捉都捉唔住我。原來真係有得掩眼，當時情景我真係唔知，我只係聽人地大叫「睇車呀」，咁我就停左，係我隔離個架車又停左。當我停左回後一望才識驚。其實身邊個人仲驚，佢個樣真係好驚，仲鬧到我飛起。據人講當時情況好危險，唔知我做乜明明係佢隔離，會突然走去佢後面繞個佢再走出馬路，又睇住架車好快咁駛緊過去我到，自己又捉唔到我。哈哈~聽起來又真係好似好驚險喎﹗
唉~下次都係係紅綠燈到過好d。

posted by purpleaileen @ 9:11 PM 2 comments

Sunday, October 15, 2006

最好既一個平凡日

如果日日都係咁就好喇﹗今日人地要返工，我就一個人係企上下網、睇下書、睇下電視、洗下衫、幫手睇下火...，WOW~等人放工就行下街見下面，跟住就上來飲下湯(2大湯碗)，之後各自在家食飯。生活就係咁平凡、咁簡單。

posted by purpleaileen @ 10:12 PM 0 comments

Saturday, October 14, 2006

星期六放假

今日真係一個休息日，特登請個假，一起身原來都瞓到成一點。落樓買左d野，就煮野食lu。人地病左，我都要做返d野既。哈哈~跟住出街join左和記寬頻，跟手cut左有線，yeah~~~俾多百幾蚊都冇計，長痛不如短痛，cut左佢唔镺再接上唔到網同超慢上網之苦。

posted by purpleaileen @ 11:43 PM 0 comments

Monday, October 09, 2006

共渡生日

今日人家生日，想到地方去喇﹗就係<海洋公園>。
其實活動係係昨晚開始，我一落船就即刻會合佢，不過都成晚上8點半。但係我成7點幾係TST落船，即刻趕返屋企，再飛出太子喎﹗都算快啦﹗陪到人地過生日，我都好開心，因為原本真係唔知得唔得嘛﹗
第日一早起身，本來好好地，點知佢開始病，失失地聲，都算啦﹗點知出到去發現我冇帶身份証，八達通...唉~咪又要返屋企囉，一攪就成2點先去到海洋公園，仲要想落雨，不過好在到尾聲先開始落。人家個樣就真係好辛苦，佢個生日其實都幾黑仔架，只不過~~~唔講咁多，廢事仲黑。最後我有兩個收穫，都係關於哈囉喂 。YEAH!!!

posted by purpleaileen @ 11:31 PM 0 comments

Monday, October 02, 2006

極速購物

今日好忙，d時間仲過得好快。一早起身，就有人陪我食左個早餐，之後1:30就要出去到機場接機喇﹗嘩﹗接完出返來屋企都成4點喎。就即刻去陪同我親友去買左一套西裝連shirt+tie，仲有皮鞋、金器。勁唔駛4個鍾買哂。仲可以返屋企食飯。yeah~~~

posted by purpleaileen @ 11:30 PM 0 comments