Sunday, April 22, 2007

星期日都要返工?

我都明白今時唔同往日，之但係連星期日都要返工又真係唔多得喎﹗好在都係返去望下，之但係山長水又遠，真係浪費喎﹗於是乎我都要走入去陪佢，所以今日既節目就係機場一日遊。嘩﹗原來機場既第二期客運大樓開左，都好多野行喎﹗食既野真係好多好多，真係可以消磨到時間。世界真係細，我咁都會撞到舊既學生家長，不過大家都係say hi then say bye。機場遊左我半日，不過車程都幾係野，嘩下下都要成粒幾鐘，我又唔多搭得車，真係辛苦。我終於明白佢每日成5點幾返工，又要成8,9點先返到屋企，6日都係咁，而家仲話7日，真係好辛苦呀﹗

Labels:

posted by purpleaileen @ 11:37 PM 0 comments

平凡就滿足

唔係嘛...星期六本想搵一個地方一路食飯一路睇下電影，不過最終搵到都冇睇到，大家都爭取時間同機會傾計，原來溝通時間少左，見面時間少左，大家係會珍惜多d，而且明天人家仲要返工。食個晚飯後，就去睇戲。真係都幾耐冇睇，今次睇一套港產既年青人電影<十分愛(Love Is Not All Around)>，主演:鄧麗欣, 方力申, 鍾嘉欣, 森美等人。哈哈~真係好耐冇睇d咁既片種。成個過程都係笑同喊，d笑位本人真係覺得幾無聊，笑個時不敢想講一句low ability。而d喊位就真係幾感動，當然我都係一個睇戲易喊既人，不過我發覺當時好多人都有眼濕濕。戲中有句說話：「如果係愛一個人，係唔需要講對唔住；如果你講左，正明你再唔愛佢。」大概係咁，其實我都唔係太明，但係我同樣對人講過。仲有一句好似係「如果對任何人都冇信心，你係唔會得到真愛」。如果我後生多幾年去睇一定話好正。哈哈﹗用一個冇乜特別要求同期望入去睇，反而有d surprise喎﹗個ending都幾特別。
雖然活動平凡，只係食下飯，睇場戲，相聚時間不多...短短幾個鐘，大家都很滿足了。

Labels:

posted by purpleaileen @ 11:02 PM 0 comments

Thursday, April 19, 2007

洗牙

回想起對止一次既洗牙，都唔知係幾多年前，不過一家有3-4年，因為我識左佢咁耐都冇洗過牙。今日就好突然咁去洗左喇，有同事話去我又話去，就係咁樣，就一齊去一齊洗左喇﹗不過都好，有個安心，醫生冇叩我補牙，咁即係話我未有蛀牙啦﹗yeah~~~

Labels:

posted by purpleaileen @ 10:48 PM 0 comments

Tuesday, April 17, 2007

行公園

今日同班學生行公園，幾好玩。唉~~~如果自己瘦番就好喇﹗真係好累，出左一兩個鐘，我真係累到想死，行又唔行得耐，走又唔走得咁。其實我都幾like同d學生四圍玩，不過機會真係唔多。我又要努力喇﹗唔係我都唔駛只意再學人扮下靚靚囉。

Labels:

posted by purpleaileen @ 10:50 PM 0 comments

Sunday, April 15, 2007

享受假日

星期六放左工，感覺怪怪的。因為人家要返工，仲要放好夜，返到來都成8,9點。大家都想左好耐，出唔出來食晚餐呢？一個星期冇見，但係大家都好累，大家都心大心細。到最後都決定出啦﹗真係唔明，平日工作已經好煩，屋企都好煩，點解咁少事都要煩。晚餐完成後，漫無目的咁行，我突然想行kt碼頭。哈哈﹗想睇下有冇野睇嘛﹗點知真係有呀~.~見到有一個亞伯同一個後生女(就係咁多)﹗其實女仔好簡單，我咁都覺得浪漫，好開心，好舒服，冇哂煩惱。當然大家都有同一種感覺先正嘛﹗(我既浪漫唔係指睇野，i mean吹著海風漫步)。
星期日就入左將軍澳，人家話睇下d樓睇下d舖。唉~咪又係得個睇字，但係都幾開心呀﹗一路行就一路想下將來。不過建議大家唔好講太耐，因為好快會一路行一路嘈交。之後就去左飲下午茶，食到飽飽，又再行下公園咁。晚上就返公公家食飯，而家開始大多數假日都要去公公家食飯，因為公公煮唔到飯，我媽就上去煮，咁就多個人氣要我都一齊食，但唔明點解唔要求我細佬妹都要呢？真係唔想得太多，免得自己煩惱﹗

Labels:

posted by purpleaileen @ 10:27 PM 0 comments

Friday, April 13, 2007

真的病了

好都好耐冇需要睇醫生喇﹗點知又會咁鼻塞，真係呼吸唔到。瞓又辛苦唔瞓又辛苦，唉~點先唔辛苦呀﹗

Labels:

posted by purpleaileen @ 9:18 PM 5 comments

Tuesday, April 10, 2007

假期後的心情

一連五日既假期，就咁就過左。唉~假期後返工，真係十萬個不願。好想時間快d過，一日一日咁過，一日一日咁去浪費我既時間，心情就一日一日咁差。~~~只有一個希望.....

Labels:

posted by purpleaileen @ 9:19 PM 0 comments

Monday, April 09, 2007

復活節假期07

時間過得真係快﹗一連5日既假期就咁過左，仲有好多野未做，點解~~~我想日日都係放假。哈哈﹗
從公公身體唔好後，假期媽媽都會到公公家煮飯，我地當然都要去啦﹗等佢開心d嘛﹗
第一日~去拜山。呢幾年都係正日去，不過今年就下年先去，真係冇咁多人呀﹗好暢通呀﹗公公都係企等我地拜完山上去食飯。拜完山，第一時間出去見見人，雖然時間唔多，都好過冇嘛。
第二日~周圍行，都係睇下d開擋用具。點知行行下，想想下，就決定星期六日要有兩人世界。
第三、四日~兩人世界
第四日~下午就去左探伯伯，假期去探下d親人，見佢係開心d，一個人年紀老左，有冇乜親人，唉~唁探又做唔出，去探又好遠。當然探左自己個心安樂d啦﹗
第五日~ 一心係企做野，點知人家真係玩完就病，一早九點幾就陪人睇醫生，睇得來返到屋企都冇哂mood做野...咪寫下blog啦﹗近排懶左寫blog，要努力下喇﹗

Labels:

posted by purpleaileen @ 5:19 PM 0 comments