Sunday, September 24, 2006

陪不到他...

今晚突然收到消息...加國親戚會於1/10回港，我就要7/10上大陸去飲，咁就危險了。9/10是人家的大日子，我可能未必趕得切回港與他慶祝。本來大家一早既計劃可能全部都冇哂，起碼都冇左一半啦﹗唉~~~要再想下喇﹗

posted by purpleaileen @ 11:04 PM 1 comments

Sunday, September 17, 2006

工聯會

今日去左工聯會報名同入會，諗住讀下一d簡單既野。終於入左會，嘩﹗真係有好多野想學，覺得自己既興趣都好多。只要係唔識既，我都好想去學下，睇下係d乜都好嘛﹗就係咁我就報一班，人家就有兩班。再睇下有冇野再報先，不過又唔想放太多錢係度。哈哈﹗又時又想，想學咁多野都唔知有冇用，可能一生都唔會用到。

posted by purpleaileen @ 7:39 PM 0 comments

Saturday, September 16, 2006

玉器市場

油麻地玉器市場
玉器市場前身位於附近的廣東道，香港人俗稱玉器街。以地攤擺賣為主，後來政府為美化市容，將所有攤檔集中於現址。全部以售賣玉器或石類裝飾為主。如閣下屬於辨玉高手，有空不妨到此一遊，說不定可以低價奪寶而回。
特色有原石出賣，外形跟石頭無異，但內藏玉石，至於質量如何，則考閣下眼光。而且價錢不定，很多檔主以物遮手，跟買家以手指論價，直至成交為止。外人均不知石價多少，過程有趣，值得一看。
前往方法:油麻地地鐵站C出口步行約十分鐘。
今個星期六下午就係去左呢度行下，真係有好多不同既玉石，不過果度會好早關舖，下午4時開始，6時就住部關門。當然係近排想睇下d石仔先行，一行就有好多想買，因為真係有d好靚同埋特別。玉石真係除左真係品質要靚啦﹗但係睇眼緣都好重要呀。晚上仲食左我最like既壽司添﹗...

posted by purpleaileen @ 11:47 PM 2 comments

Saturday, September 09, 2006

等到了~星期六放工了

真係唔知點解，星期六放工姐，好似放監咁﹗原本有好多野要做，不過見到天氣又唔係咁好，落住雨，成個人都累哂，好想即刻返屋企瞓，所以一放工就回家睡一睡。瞓醒就要出去幫媽媽到教協買月餅卷，行下行下又一個鐘囉，又去太子攞返張cert.，再返返去九龍灣...又係九龍灣，點解要係九龍灣呢？

posted by purpleaileen @ 11:49 AM 0 comments

冰燈展

今日一放工就即刻去搭車，因為去睇冰燈展嘛﹗人地話星期五係冇乜人，哈哈，點知去到又真係冇乜人喎﹗唔駛點排隊就入到去。我一早有準備，帶埋頸巾，嘩﹗入到裡面，原來係咁細，好快就會行完囉。可能係第一次去d咁既活動，覺得好特別，話哂都未試過係零下5度既氣溫下行來行去嘛﹗本人覺得幾得意。最估唔到係-5度其實係唔凍，我隻手仲可以係溫，不過人地就...一陣之嘛，就見到佢個樣好似唔多掂，人家話真係好凍喎﹗到最後有得玩滑冰滑梯，好正呀﹗我滑完都唔知邊個扶起我，仲差d攬落去個工作人員哥哥仔度(我以為係自己人扶我嘛)，真係瘀皮。


跟住就去食飯，哈哈﹗食左一個三文魚芝士卷、金菇肥牛卷、炸蟹夾、蛋包飯套餐。真係幾好味呀﹗食完野又唔想咁快搭車，咪去左冒險樂園玩囉，不來太古個間仲大呀，有好多野玩，我咪好似細路女咁周圍走，周圍玩，哈哈﹗估唔到人地收工時先中獎，有好多票呀﹗可以換野lu...夠鐘返屋企囉﹗

posted by purpleaileen @ 12:26 AM 0 comments

Monday, September 04, 2006

終於過了一天

點解返工係一件咁辛苦既事呢？真係唔知自己既選擇有冇錯，不過都揀左又真係唔好想得太多。唉~~希望而家咁既感覺盡快消失啦﹗日子會一日一日咁過，不如好好的咁過。我一定做得到既，雖然而家係唔得。

posted by purpleaileen @ 9:22 PM 0 comments

Sunday, September 03, 2006

今日去鬆一鬆口氣

星期日，本來想返學校做d野，但係想下想下，都係唔好，一個星期得7日，點解我仲要返足7日。但係又有好多野等住我做喎﹗真係好矛盾。好在今日係星期日，唔做野，仲有好多野要做。就係好玩下囉﹗一個星期俾一日時間讓自己去鬆一鬆(不過起身都有左一大早上lu)。
起左身同人商討去邊好，不過自己又想起有同事話去太古睇冰燈展( http://www.cityplaza.com/chi/hot_promotions/coming_attraction_items/ attraction005.htm)，好似幾好咁，哈哈﹗就去啦，點知多人到估佢唔到喎﹗去到時排隊既位置仲需要等多兩個幾鐘，個時都成3點啦，再等咪成5,6點先入到場，所以都冇去，希望下次預好d時間一定要入到場。之後改左佢人地想去睇下既地方，就係水族館喇﹗原來早前係電視同雜誌都有介紹過，入面真係有好多魚類，有好多係金魚街都睇唔到，d沙魚都有好多種，而整體價格都ok，仲有d平過出面添。之後緊係去太古既冒險樂園啦﹗不過時間過得好快，6點大家都要趕返屋企食飯。不過發現有巴士返觀塘喎﹗勁呀﹗3個未唔駛返到，咁就行多陣街，打左陣機。一身鬆哂﹗原來小朋友既生活真係好好。今日就好似家庭樂咁，如果時間多d就更好添﹗
(點解我係太古都會撞到學生呀...)

posted by purpleaileen @ 8:15 PM 2 comments