冰燈展
今日一放工就即刻去搭車，因為去睇冰燈展嘛﹗人地話星期五係冇乜人，哈哈，點知去到又真係冇乜人喎﹗唔駛點排隊就入到去。我一早有準備，帶埋頸巾，嘩﹗入到裡面，原來係咁細，好快就會行完囉。可能係第一次去d咁既活動，覺得好特別，話哂都未試過係零下5度既氣溫下行來行去嘛﹗本人覺得幾得意。最估唔到係-5度其實係唔凍，我隻手仲可以係溫，不過人地就...一陣之嘛，就見到佢個樣好似唔多掂，人家話真係好凍喎﹗到最後有得玩滑冰滑梯，好正呀﹗我滑完都唔知邊個扶起我，仲差d攬落去個工作人員哥哥仔度(我以為係自己人扶我嘛)，真係瘀皮。
跟住就去食飯，哈哈﹗食左一個三文魚芝士卷、金菇肥牛卷、炸蟹夾、蛋包飯套餐。真係幾好味呀﹗食完野又唔想咁快搭車，咪去左冒險樂園玩囉，不來太古個間仲大呀，有好多野玩，我咪好似細路女咁周圍走，周圍玩，哈哈﹗估唔到人地收工時先中獎，有好多票呀﹗可以換野lu...夠鐘返屋企囉﹗
posted by purpleaileen @ 12:26 AM
0 Comments:
Post a Comment
<< Home