Saturday, June 18, 2011

不知做甚麼

開始工作都3個月,不知為何...我真的想再放假。
可能年紀開始增長,開始唔想做太多不願意既事情,
總是令我感覺不好。.....

Labels:

Friday, January 01, 2010

2010年1月1日短記 阿凡達 (Avatar)

2009年...真係過得好快好快!2010年就係人生既另一年,好煩既一年,找將來,又要plan,又要傾...。不過相信時候到,想唔傾都唔得啦﹗相信2011年會係一個好明確既開始。而家都係等啦!

今日一早起身出去睇「阿凡達 (Avatar)」,真係好睇﹗如果有機會都想睇多次,因為一開場唔係太明白,又遲左少少入場,miss左d野。

Labels: ,

Sunday, December 20, 2009

風雲II (The Storm Warriors)


今日終於睇左<<風雲II (The Storm Warriors)>>。wow,真係唔睇都估到唔會好睇,睇完真係o咀出來...。劇情真係唔吸引,如果係城城同伊健fans既話,就真係唔好錯過,一家入去睇睇喇﹗大把post俾你睇,又有肌肉睇。
而今日最開心喇,終於可以去睇下d bearbear熊,仲影到相添。

Labels:

Saturday, November 07, 2009

滑嘟嘟

滑嘟嘟(Grimace)
其實我都幾鍾意呢隻野。當然佢係紫色啦!但係性格同喜好都好似我喎!
滑嘟嘟是一個體型巨大、毛茸茸的紫色傢伙,他逗人喜愛、天真單純的個性,使得每個人都喜歡他。不僅樂觀、快樂,還很熱心、熱情,喜歡嘗試新的事物。
滑嘟嘟很尊敬麥當勞叔叔,每逢遇到甚麼問題都會向他請教。
他說話總是慢吞吞的(我就比較快),喜歡說簡單的句子,叫人喜愛。
性格:幽默、充滿理想
嗜好:溜冰、做運動
最喜歡的食品:麥當勞奶昔、新地及雪糕




Labels:

Saturday, October 31, 2009

Michael Jackson's This Is It (Michael Jackson's This Is It)


我真係好耐癟去睇戲喇!不過我都等左好耐!
之前MJ既消息知道後一直都冇睇佢既資訊,因為真係我唔開心。
但係我知呢套Michael Jackson's This Is It (Michael Jackson's This Is It)我係一定要睇。
感受如何...
真係好痛,一開場我D眼淚就係咁流,流到完場都係度流,個心好痛,睇完對眼都好痛。
佢完全俾到LOVE既感覺我,但係而家冇左,好失落!佢既歌好感動到我,每次聽都會起雞皮、出耳油。睇到係TV上佢既表演我都好想尖叫,仲唔知點解會流眼淚。...
唔知點講。總結,I LOVE YOU MJ!

Labels:

Sunday, August 16, 2009

LAUGHING GOR 之变節 (Turning Point)








LAUGHING GOR 之变節 (Turning Point)
人睇我地又去睇..唉!明知唔係好野...不過都係睇左...睇完都唔係太知自己睇緊乜...一個九龍灣宏開道同業安工業大廈就拍完。正!

Labels:

Saturday, July 11, 2009

變形金剛狂派再起 (Transformers: Revenge of The Fallen)

變形金剛狂派再起 (Transformers: Revenge of The Fallen)
哈哈!睇到今時今日,我都唔係太認得佢地既樣,係大黃峰叫做易認,其他都係一個好複雜既機械人咁,唔通真係年紀大???

Labels:

Sunday, July 05, 2009

冰河世紀3大威龍駕到 (Ice Age 3: Dawn of the Dinosaurs)

冰河世紀3大威龍駕到 (Ice Age 3: Dawn of the Dinosaurs)
今次睇3D版,都ok啦...不過都係咁樣睇,下次有機會要試下4D唔知會係點呢?
又時睇下呢類型既電影,心境都愉快d呀!



Labels:

Wednesday, July 01, 2009

MJ.miss u

近日心情真係唔多好...每日一見到MJ既新聞我都唔會去睇。點知有一日,我改仔仔囡囡既新聞集時,居然有人做呢個新聞,我即時睇都唔睇就CLICK左就算....真係好辛苦呀!....
今日出街行,十間有8間商店都係播緊MJ既歌..有冇攪錯呀?平時又唔見大家咁LIKE聽佢既音樂...。
心情唔好唔緊要,而家最緊要係知道佢既消息後,我瞓唔到,晚晚都好易醒,我係咪有病呀??...好想有個人俾我依靠下大喊下,幾時可以咁做呢?

Labels:

Saturday, June 27, 2009

矮仔多情 (Short of Love)









點唔知點解會睇呢套戲...又真係幾好笑...係咁唔開心既日子..睇下又何妨。

Labels:

Sunday, May 03, 2009

狼人外傳








變種特攻:狼人外傳 (X-Men Origins: Wolverine)
WOW~真係好耐冇睇過戲,終於等到喇!都唔知點解 好似冇乜戲想睇,次次去到戲院都冇心水。
今個假期都幾好,睇到戲,仲食左2日板長添,幾開心呀...哈哈!

Labels: , ,

Sunday, April 19, 2009

復活節,如何過


今個復活節要北上,仲要係去深圳,就咁用左2日了。雖然上去食左好多野,仲要係好好食,全數係由學校比錢,但係返工後,真係做到嘔突,而家都仲想嘔返d野出來。d老世又黠會比你咁開心,食左幾多,就要做番幾多,仲要有突。唉...好後悔,命又冇得選擇,點都一定要去呢個旅程。

返到香港仲要累足咁多日........苦!!!


*食時開心,做時傷身兼傷心。

Labels: , ,

Thursday, March 19, 2009

小小成績

今日上磅有小小成績了,不過真係唔多,我估我再努力,忍忍忍忍..不斷咁忍就ok。
今日既夜餐:小青瓜2條、小紅蘿蔔仔20粒、西生菜一碟、代餐奶昔一杯
如果日日都可以咁乖就好啦﹗
而家時間真係好緊迫,3個月都唔知有冇呀.....

Labels: ,

Sunday, February 08, 2009

決心與支持(第一階段)

第一階段
由2月15日後開始,本人開始逐漸戒食澱粉類食品。
首先會由晚餐開始,漸漸到午餐都不吃澱粉類食品。
大家等著我的第二階段啦!

(這blog visit既人唔多,如你看到的,必是本人的好友,如支持請留言給我,讓我知道你的存在吧!)

Labels: ,

開工後的心情

放完一個新年假,返工已一星期,但心情真係仲未平靜下來。星期六我請左假,瞓左個靚覺,之後請人幫我按摩下隻手(呢排真係痛到飛起),再去飲個下午茶。話說呢個下午茶到等左1年幾有多,當人家返5日工時,大家都好想星期六去嘆下茶,行下街,再睇下戲,星期日就安心咁瞓,起身就去下西貢等等郊外地方,放下平日既壓力,但係咁耐都未實行到。
終於我都係決定接受死做了,星期日(即今日)一早九點起身開始做,首先打左份英文教案(d grammer真係令我頭痕),之後再打下個單元既教學大綱,就咁做到2:30先出去飲茶,到而家都未能再投入工作,不過我相信一陣會開繼續。
近日除工作外,都開始再想想自己既身世,真的要減,5年了...年紀大了,開始擔心,身體開始差,骨骼開始負擔唔起...男友加壓......我相信真要下定決心了。

Labels: ,

Saturday, January 31, 2009

家有囍事2009 (All's well End's well 2009)

家有囍事2009 (All's well End's well 2009)
年初六星期六
今日同班朋友飲下茶拜個年之後,就出返九龍灣食飯睇戲。
今次就係睇<<家有囍事2009>>,本來唔係贂呢套,因為知道一定係得啖笑就會走出來。點解係真呀!!!睇完我都唔記得係講過d乜,不過又真係好笑既,只要自己放鬆心情,真係笑到拍晒手呀!不過都有d周星馳既影子,好似想學佢d手法咁,無就無聊喇!不過笑下都幾好啦!

聽日就係最後一天假期,真係好唔捨得,由開始放假既星期五晚開始,我就日日都同佢一齊,唔係去街都可以見下面,明天我就要開工喇,仲要去拜年,心情真係好.....

Labels: ,

Thursday, January 29, 2009

過牛年

年三十
我一家食團年飯,再出去行下花市,都成10:30先出呀!當時唔係太多人,不過越行就越多。本來我自己一心都係行下,唔會買野。哈哈~點知佢居然話想買花返屋企插下喎!真出奇,我地行左一次又再行返轉頭再行,真係好剌激,逆流而上,好在早去行,逆流得都唔算辛苦,不過再由頭再行時就好多人喇!最後我地都買左幾種花,之後仲慢慢散步行返屋企。wow~就咁都成2點喇!佢仲真係返屋企即刻自己剪枝插花,係咪神奇呢?!
年初一
今日年年我地都會上公公家打麻雀,我就年年都係輸到震,今年開始要慢慢教佢打幫輕下我囉!有佢我都輸少dd嘛,不過佢都係唔識打,仲有好幾年要交學費囉!
年初二
有親戚來拜年,佢都係出席半日,今次就玩牌,好在好少少。點知我親戚一來轉玩魚x蟹,又唔同晒,好在玩果汁糖,不過都轉成包囉...
之後我又再上公公家,又有親戚上去拜年,我就陪坐囉!點知親戚走左,公公又想打牌..唉...一家輸3家,真係利是都唔夠俾。
(小插曲~為左小問題冷戰左半日)
年初三
佢最後一天既假期,當然full day係我啦!琴日既冷戰大家都唔記得左囉!點合一起身都成1點,次次都係咁樣,我為左唔想再係屋企附近,我決定出旺角,因為話要幫佢買衫買褲,不過活動都係飲茶先,之後好叻女咁氹佢行到去tst文化中心,哈哈~仲睇左8點既乜乜燈匯演,不過都唔係好特別,仲好悶,如果冇音樂仲悶呀!睇完就食晚餐啦!.........居然出返kt既花園餐廳,唔問點解,但係我以後都唔會再去果度食野。係真呀~~我唔會再去花園餐廳。
年初四
今日可以去下bank,再約下d老友食下lunch,再見下d朋友,仲可以接佢放工添(最後變左佢等我接我返家)。
之後既假期好快就會完,真係唔想返工呀........

Labels:

Saturday, January 24, 2009

崖上的波兒 (Ponyo on the Cliff by the Sea)

食左我最常食既板長,再去睇<崖上的波兒 (Ponyo on the Cliff by the Sea)>
波兒真係一套好岩小朋友睇既電影,我都好耐冇睇話咁cute既電影。其實都唔知點解呀!劇情又唔係好特別,仲奇奇怪怪咁添!哈哈~我仲覺得自己好似波兒呀..而我最like就係波兒食火腿&波兒好可愛同大聲咁講左句「波兒..鐘意..宗介」。一出場我就同kenny講左句一樣既說話,哈哈~佢口口聲聲話係街度唔好咁講野,不過我知佢受晒啦!
另外,首主題曲都好cute,當然唔係hk版啦!日本版真係好可愛。
http://hk.youtube.com/watch?v=bh0OFUaOYwU&feature=related

Labels:

Sunday, December 28, 2008

葉問 (Ip Man)

聖誕節就係睇戲既日子,就咁睇左3套囉!
27/12(六)今日去左見2個舊學生,一個讀緊k3,另一個讀緊小學1年班,哈哈!一個係瀅瀅,另一個就叫瑩瑩。真係好開心呀!2個都有小禮物收。見完佢地,我就回家小睡片刻,之後就再去睇戲食飯喎!今次睇葉問 (Ip Man),當然唔係本人揀啦!一句講晒,打打打再打打打,殺殺殺再殺殺殺,好似套套戲都差不多。之後又係去食板長,其實今日食左好多野呀!食食食再食食食,我唔可以再食喇!

Labels: ,

Friday, December 26, 2008

荒失失奇兵2 (Madagascar2)補回聖誕大餐

25/12人家仲係唔舒服,又冇醫生睇(佢又話唔睇),咁瞓都瞓左成大半日啦!最後聖誕節都係,我煮左好清既通心粉作為晚餐....就咁又一日喇﹗

26/12睇左荒失失奇兵2 (Madagascar2)







本來我心想,如果人家好番就可以出去遠d既地方,點知都係唔得。最後只係在九龍灣睇戲,荒失失奇兵2真係好岩小朋友一家大細去睇,當然我仍然覺得香港既配音既字眼,都係好粗鄙。唉..anyway,咪當輕鬆下囉!睇完都成6點,有d餓就去左翡翠拉麵小籠包食小小野,再行一陣,行到9點幾再去板長食少少壽司,哈哈!就係我今個聖誕節既大餐喇﹗

Labels: ,

神探伽俐略 (Suspect X)不平安之夜


神探伽俐略 (Suspect X)
其實電視播影時我都冇乜點睇,不過佢話都幾好咪睇下啦!
點知平安夜,真係唔平安,放工成6:45先放,睇戲就7:30,仲要返屋企放底d野先,真係好趕。到apm先到佢時,佢都係好趕,而且佢仲話係公司食左到會,個胃有d唔舒服,我個心都知有d不妙啦!點知睇睇下戲,佢突然拖住我(佢真係好少會咁做),我一望佢個樣....,好驚又青又白,仲打晒冷震。我都問佢駛唔駛即刻去睇急証,佢又話唔駛..一頂就頂到睇完套戲,唉!佢都好辛苦,套戲仲要成2個鐘,之後一睇完就坐的士回家啦!我既聖誕大餐,就係自己係屋企食麥記喇!
今個平安夜,真係唔係幾平安囉!

Labels: ,

Sunday, November 30, 2008

証人 (The Beast Stalker)

星期日冇去飲茶,去左睇戲喎!今日真係好多人呀!唔知點解呢?
証人 (The Beast Stalker)
可能近柩唔嚇得,又唔驚得。睇呢d我都要咪起眼,唉!一定係心血少啦!

Labels:

Sunday, November 23, 2008

從未試過的累

星期日我局然冇出街,因為真係好累。星期五學校去旅行去左海洋公園,行左成日雙腳真係痛得好勁,到左星期六就連腰、盤骨、手既雞翼位...多個部位都痛到想死。下午一回家就瞓,真係計晚上餐飯都同佢食唔到。其實都食得我好辛苦,原來我真係可以一路食一路瞓,食完又合左眼休息。返到屋企都係9點,沖完個涼又瞓,一瞓就星期日12:30,食完lunch2:00又瞓到7:30,即係而家,我估今晚都係好早瞓囉。原全冇動力去做野,真係好累呀!!!點解要咁累呀~~~

Labels: ,

Tuesday, November 18, 2008

奪標 (Champion)

近日大家都好忙,星期六只有少少時間見下面,睇場戲。
奪標 (Champion),本來我都唔係好想睇,但係唔知點解佢就好想。終於等到佢上畫,睇完後,我眼望佢眼。不禁「唉」左一聲。張衛健都係咁樣,冇突破...anyway,睇左就安樂啦!

Labels:

Sunday, October 26, 2008

飲靚茶

其實差不多個個星期日都會去飲茶,午市又好,茶市又好。今日就特登去mega box既德慶飲喇﹗去到時同姐姐講,我想要一個窗邊既位。因為我知想自己心情好,望海係不錯的選擇。點知唔駛等就有位,因為好多間都係點心五折,而呢間得七五折,一定冇人等啦﹗飲完後,的確有些幫助,可惜快樂既時光過得特別快,好快就食到飽飽了。


Labels: ,

大閘蟹

星期六一收工,野都執唔切,就趕著去食大閘蟹。
同事一班,一齊食大閘蟹。...
好吃嗎????本人不太好。
開心嗎????本人未感到。
因...只當作工作的一部份。
相中看似享受,事實已累得像死了。

Labels: ,

雷霆喪星 (Tropic Thunder)

雷霆喪星 (Tropic Thunder)
星期六,完成工作都成4點半,人又攰,又唔想行街(不嬲都唔行),又唔肚餓,去到戲院真係唔知睇乜好,是是但但就睇左呢套...
講真唔知係心情唔好定真係套戲唔好,一句「無聊」。恐怖又唔係恐怖,好笑又唔係好笑,劇情又冇,靚女又冇........算啦﹗唔睇都睇左囉﹗


Labels:

Sunday, October 12, 2008

家庭<->人生

日期:12/10/08(日)
時間:早上10半被叫起床
地點:mega box
活動內容:飲茶、行商場
人物:公公、媽媽、我
感受:
(一)好開心,因為見到公公好開心,公公真係好耐冇同佢去飲茶,媽媽都好開心,公公行B&Q好似大鄉里出城(佢自己話),連腳痛都唔記得。對於自己既表現都不俗,同公公話題滔滔不絕。都話左我係一個好乖孫啦﹗
(二)有d唔開心,因為見少左,今日只見了2個hrs,點解星期日都咁少時間見呀!!!!!!!
總結:
人生苦短,好好珍惜身邊一切人和事。
學會放開一點! 讓自己好好的、輕輕鬆鬆、開開心心的生活。
活潑開朗樂觀的我,回來吧!不要離我而去。

Labels: ,

平凡的生日活動/保持通話 (Connected)

係星期六晚,食餐晚飯,睇套戲,就係最平凡及舒服既生活,就係我一路都想既。但我並唔滿足,因為原本我係可以再開心d既。
首先去到戲院,唔知點解冇戲好揀,唯有睇保持通話 (Connected) 。就咁買左票,去食個日本野,再去睇喇﹗不過好在都唔差,可能本人真係唔係太like古先生,但睇睇下都ok啦﹗








今日本來有一個好好既plan來補祝生日:
星期六請個假,大家一早起身,去食個早餐,再坐船去大嶼山,行下郊外既地方。
搵一個好地方食個海鮮lunch,再去checkin,之後休息下再出去海灘行行,再入返hotel既泳池游水,曬下太陽,wow......再瞓個午睡,起身就食個dinner buffet,然後再行下夜晚既海灘,又可以返去睇下電視,就咁一日。星期日就可以一早起身食個早餐,再去休息下。就咁...滿足左我再想去浮羅交怡既慾望。
但..可惜.......可惜.......


Labels: , ,

Friday, October 10, 2008

發生左一件冇可能發生既事

今日係你既生日,原本你要返學冇得同你慶祝都已經好唔開心,但係居然發生左呢件事。我真係冇心情,原本好完美既plan,都俾我親手.............

Labels: ,

Monday, October 06, 2008

最後一日假期

明天既假期真係好珍貴,放完就要去到聖誕節囉!!!真係唔開心,幾時先再會有假期呢?今日本來可以煮番餐,不過都係懶惰,完全唔想煮,又加上條腰骨真係好痛,唉!就好求其咁食左一餐飯囉!明天仲有好多野做,點算呀!

Labels: ,

Sunday, October 05, 2008

科學館

星期六因工作而去左太子睇花、同d植物,攪攪下再回程都成7點。

因為工作,今日我就去左行科學館。其實我都覺得會有幾多野玩,因為我都係一個好奇既人,去到一定起碼唔會唔開心。不過對住個人,可能就有左好大既影響。anyway,如何俾我再去,我都會再去玩多次呀!


Labels: ,

Saturday, October 04, 2008

皮膚滑

點解d皮膚咁滑呀??真係好滑喎!!!好得意呀!!!下次我又要摸多幾下呀!
我都想要呀...皮膚滑滑滑。

Labels: ,

Thursday, October 02, 2008

無聊???

is being played ...(played乜有呢個未咩??)
被玩弄了....................(真的嗎?)

vented
宣洩............................(是對嗎?)

你看,你看,你真的看看吧!!!
是否終於有你的~影~了...

p.s
i'm only joking
我只是開玩笑而已。

Labels:

Wednesday, October 01, 2008

畫皮 (Painted Skin)

畫皮 (Painted Skin)
今日係難得既一天假期,一早起身已經發覺12點。係我日常生活最輕鬆既就係去睇返場戲,今日去左德福mcl睇,要坐係第二行,都好前啦,不過又ok喎!坐位夠寬敞。我估係呢區除左 palace apm外,又多一間睇得舒服既地方喇﹗
睇之前都有上網睇下d影評,見評語麻麻地,但本人深信一定好過睇保持通話 (我估啫,可能好睇,不過唔係我想睇既類別),睇完之後,真係唔差喎﹗可能好耐未睇過呢類戲種,而對於我咁感情豐富既人來講,係一個好好既發洩機會,睇完眼都紅哂﹗
趙薇d對白好感人!陳坤又幾型!可能本人唔太like周迅,所以冇咩特別!而甄子丹成場都係一個好打既人,開場見佢勁好打,結尾都係勁好打,永遠都係最強者!

Labels:

Sunday, September 21, 2008

凸務咔啦蘇 (You Don't Mess With the Zohan)

凸務咔啦蘇 (You Don't Mess With the Zohan)
真係好攪笑,雖然係奇怪d,不過笑餐飽都唔錯,仲有d英文口音,真係好攪笑。


Labels:

Tuesday, September 16, 2008

原來打999係好難鎮定

原來打999係好難鎮定呀!人生第一次打,真係好驚,好亂,唔知講乜,當然幾秒鐘我就冷靜下來,直至安全先再驚過。 15/9/2008早上6:35

Labels: ,

4條大路通陰間 (4BIA)

星期六返左一日工,要星期日先有時間行下制睇下戲。今次真係好驚...差不多成場都係人地個心口度,仲要係人地d手指與手指之間偷睇。其實都唔係第一次睇恐怖驚嚇既戲,不過今次再睇就知道,我真係唔係太適合睇恐怖驚嚇戲。最慘係IIB既戲...我都會發惡夢!!!

Labels:

Sunday, August 31, 2008

伴娘先生 (Made of Honour)

伴娘先生 (Made of Honour)
wow~good feeling.有笑有淚,又有現實感。
最有feel係在古堡個段,係木門間男女主角既對話...好touching呀!!!

Labels:

Monday, August 25, 2008

繼續無起色

唔想講..唔想做..唔想....一萬個唔想..。點解呢??

Labels:

Thursday, August 14, 2008

無起色

都成10幾日啦...都仲係冇乜起色,對著d人仔一d都唔想笑。唉~.........

Labels: ,

Wednesday, August 06, 2008

無心機

開工喇﹗唔知點解咁冇心機,以前開學點都會有d開心氣氛同感覺,而家..唉.....日日唔想返工。點解要今日8號呀...而家8號咪即係有時間要我起野交貸,我跟本唔想做,點解要有一日假期先。今個星期過左咁耐先係星期三,都唔知點捱落去。point又未升,又唔知有冇backpay,工作真冇意思,工作是為甚麼呢....???????

Labels: ,

Sunday, August 03, 2008

去完旅行第一件事就係要找時間去睇「蝙蝠俠 – 黑夜之神」。

星期5開學喇﹗人仔就唔多,31人返左21人,不過心情都唔係太好。所以收工就去左睇蝙蝠俠 – 黑夜之神,真係唔錯呀﹗食埋個飯就回家喇﹗而家佢星期六日都放假,星期五去夜d都唔怕啦﹗

我都好想找一份咁既工作時間既工作,好多人都有,但係我真係好難遇,星期一至四返9點幾,放就4點幾5點,星期五仲有早收工,星期六日放假。我真係有d眼紅呀﹗

星期六我一心就係準時收工,當然都可以啦﹗行左一陣街就夠鐘回家吃飯。早d 瞓星期日就早d出街啦﹗點知人家居然發燒,真係唔開心呀﹗就係咁我要留係我唔想留既屋企度,激死我喇﹗

Labels: ,

Monday, July 28, 2008

旅行回來了

去完澳門玩2日,再去浮羅交怡琉左5日,真係好relax呀!
而家仲relax緊呀!





Awana -POTPO MALAI- Langkawi

John係一個好好的既導遊

Labels: , ,

Tuesday, July 01, 2008

想去旅行

近日忙於睇旅行團,都唔知點解到而家都未睇岩,唉~仲要d人仲未攞好d假期,真係激氣。其實都有心水呀,我自己就須係好想去浮羅交怡,不過係貴左少少。而第三個選擇就係布吉,因為都係陽光與海灘,夠relax,都係我旅行既重點。今日本來都係要去confirm地點同出發時間,希望明天真係報得成啦﹗
今日一早就去左荃灣個facial and then約左poly u同學食下飯傾下計,點知一傾就成4點,而kenny就係荃灣等左我3個幾鐘,其實我都叫左佢3點幾先出,不過係佢自己早左之嘛﹗哈哈..如果係以前我一早就飛圯左d朋友去見佢啦﹗
明天就星期三喇﹗時間好緊迫,仲有好多野要做(工作),真令我感到有點不安。時間要再快d過先得喇﹗

Labels: ,

Sunday, June 22, 2008

wow睇戲都會咁有緣

今日一早亞媽叫左我同細佬、公公又去mega box飲茶,都唔明點解要去mega box,不過都好買左對鞋。之後去左淘大睇戲<文雀 (Sparrow)>,唔講戲住,去到淘大同kenny哥會合就買飛啦,之後又去食,因為佢未食lunch,我又食左塊西多士,哈哈~正!跟坐就去睇戲啦,去到戲院就撞到位老友,真係緣,地球都係圓,仲要係同一套戲,坐埋係隔離,點會有咁橋呀﹗神奇呀....至於套戲,一句「不是我杯茶」,全套片成本唔高....唉....算啦!唔睇都睇左....。

Labels:

Saturday, June 21, 2008

又一個周年紀念

今日終於完成畢業典禮,都叫做ok啦﹗早上完成後,下午又要聽talk,真係好累得很。之後點都要返家沖個涼,換件衫去慶祝周年紀念。其實都係飯一餐,不過叫做俾個名堂佢,開心又唔見得特別,唔開心又唔會。因為又係要我發老爛先有d建議。
晚上哥仔來接左我去食飯,今次係去「元神」食日本野,真係好耐冇去過喇﹗d野食細晒,連件三文魚都細件左好多,有圖為証呀﹗

Labels: ,

Friday, June 13, 2008

奪寶奇兵之水晶骷髏國 (Indiana Jones and The Kingdom of The Crystal Skull)

哈哈~琴日先睇左一場film,之後就等kenny哥放工再去威,一路威到星期日。勁呀!一早飲個茶,回家休息一會再去飲個下午茶,正呀!跟住就出左旺角,再睇場film奪寶奇兵之水晶骷髏國 (Indiana Jones and The Kingdom of The Crystal Skull),唉!有點失望,太不合理喇!不過唔睇都睇左..冇計啦﹗都好夜先返屋企,哈哈!好在第日係端午節假期。

Labels:

《魔幻王國:卡斯柏王子》 (The Chronicles of Narnia: Prince Caspian)

星期六柩個黑色暴雨真係浪費,人人都係企sleep,不過我就出左門去飲早茶,之後就係觀塘搵雨有冇畢業表演服飾。唉...都係得過吉。之後同個同事去左apm睇《魔幻王國:卡斯柏王子》 (The Chronicles of Narnia: Prince Caspian),之前都睇左第一集,雖然今次同之前係冇乜太大關係,不過都唔錯。

Labels:

Monday, June 09, 2008

食...是最開心的

食...真係好開心,唔知點解,只要見到d食物(當然係我like果d),真係由心度笑出來。唔知係咪真係有病呢??
呢晚係一小時內食左2餐
地點:mega box
時間:約8:15-9:15
店名一:STUDIO CITY
食左兩個SET DINNER (當然份量唔多)
店名二:目黑迴轉壽司
食左我最愛的壽司
哈哈~朋友,我都真係第一次咋....

Labels: