Friday, August 31, 2007

給友人

8月31日你的生日。
生日快樂!!!
happy birthday!!!

Labels:

posted by purpleaileen @ 11:15 PM 2 comments

MY NEW LIVE

新生活，係點呢?希望唔好太辛苦，一切隨其自然啦﹗

Labels:

posted by purpleaileen @ 10:17 PM 1 comments

Thursday, August 30, 2007

人生交叉點

一個短短既假期，本身真係想好自由享受咁過，但係中間就出現咁多問題。其實都係唔問題咁簡單，對我來講係人生既交叉點。只要選擇左就好難再彎轉，一個短短既假期，就咁決定我將來既路喇﹗
人生真係好似一場夢，回想早幾日既日子，真係好似發夢咁，最好就真係發夢啦啦﹗我都好想只係發夢，冇事發生過。而家到最後我個心都係唔舒服，不過我認為已經把損傷減到最低。感情一定會有傷害，機會亦會損失...不過決定左就要向前行。人生實在有好多個交叉點，唔知幾時出現。出現時會有驚、會有喜、有苦、有甜，但係都要面對啦﹗
而家終於叫做稍為平息左，我估仲有手尾，唔知幾時先會有解決既一日呢？

P.S在此真係好多謝幫我一同渡過難關既朋友(是誰?在心中...)

朋友就像天上的星星
朋友就像天上的星星一樣
明減不減 有時會出現 有時會消失
希望我在你心中是顆永遠不會消失的星星
當你抬頭看著星星時
我會一直存在
http://purpleaileen-nicearticle.blogspot.com/2007/08/blog-post_7578.html

Labels:

posted by purpleaileen @ 10:08 AM 2 comments

Saturday, August 25, 2007

憤怒的我

(以下文字可能引起大家不安，因為太氣憤，敬請留意。)
唉~~一個星期六，係一個不一樣既星期六，因為呢個星期六係我冇工作負擔既假期，居然係冇節目。我全日都係屋企，冇出過門口。唉~~真係好激氣呀.......放左咁多日都未去過街，衫又未買，肥又未減，運動未做，水又未游，野食又未煮過，湯又未煲...連..拖都未拍過，真係憤怒到極點。
本來想出去旺角行下街，因為我同佢都要買鞋買袋，而家淨番星期日邊夠時間呢???下個星期仲有好多野要做添，睇本日曆簿日日都有d野做，跟本就唔夠時間做。
係~~~我知~~~係我衰，自己攞來衰，人衰冇得救，好衰唔衰衰...唉..我真係唔想呀!!!抵死啦啦隊知死啦!忙啦!唔夠時間用啦!係自己攞來忙嘛!!!人放假我放假，攪到周身唔得閒咁。
知唔知d銀行真係好鬼煩，去下呢間又去下個間，開個戶口又要咁又要咁，cancel個戶口又要咁又要咁，想轉下個戶口，又要咁咁咁咁...真係好好好好好煩。仲有一箱二箱既野，仲係度等緊我，有成10箱呀~~~點執呀???屋企自己間房10年冇執喇...點執呀???救命囉!!!電話公司又要攪，又要轉呢個名轉果個名，唉仲未攪...保險又未攪，又唔知而家保我乜...兩腳一仲就真係唔知黠死好，點攪呀???之前仲話想去旅行，今次真係去埋條命囉!!!一日時間真係好少咋，洗下衫收下衫再掛下衫又冇左半日...
今日成日執左全屋既鞋~~嘩!真係多真係多，但係唔係我d鞋囉...人都唔係度住，霸咁多地方做乜，你話做乜，點解要霸埋我d位先。
不過今日執左係企個幾箱野，安落左d，不過一入房...真係想死~~~d火又來喇!幾時我先可以真真正正去執下呢???女仔人家，間房點解唔可以見下人呀???(雖然唔駛見其他人)不過自己都係人啦!!!真係好似瞓係個dog竇...
真係火遮眼，睇乜都唔順眼。
唔打..要休息下，唔係條氣真係好唔順...
(wow~爽~~唔好意思，失禮哂!!!)

Labels: ,

posted by purpleaileen @ 8:41 PM 4 comments

Friday, August 24, 2007

唱k..呀...

wow..23/5(四)5:40pm-12:40am..good ar!
真係好耐未試過唱k，仲可以唱咁耐添。嘩~唱到冇歌再唱，係冇歌可以唱。哈哈~~~真係開心開心呀﹗
多謝位老友對陪喎﹗

Labels: ,

posted by purpleaileen @ 10:11 PM 1 comments

Wednesday, August 22, 2007

五星級大鼠(Ratatouille)

WOW..星期二睇戲，真係好難得呀﹗平時日忙夜忙人地更忙，居然有機會係平日晚睇戲。今次係睇<五星級大鼠(Ratatouille)>，起初我都係抱著笑下既心態，點知套戲真係有好多gag位，真係笑左出來。哈哈維識我既人都知我既笑聲，我不知忍得幾辛苦，我都驚笑到成個傻婆咁。其實係生活咁緊張既時間，睇下d唔駛用腦加有d童真加有d可愛加有d sweet既戲減下壓都唔錯呀﹗

Labels: ,

posted by purpleaileen @ 10:32 AM 0 comments

放假日程

t今日約左位老友食lunch，真係好耐未試過囉﹗雖然傾談既時間唔多，但係真係開懷不少。
食完個lunch就出返去牛頭角，因為要買野送俾d小朋友嘛，又要買袋，又要哂相。之後就去返淘大約個同事去買下d小禮物，真係好趕急。最估唔到係kenny哥咁早放工，係我未去到淘大時，佢已經到左，咁咪叫佢自己照顧自己先，等我買完野再會合啦﹗點知行行下就遇見囉﹗哈哈~~就係咁就決定去食飯先，跟住就睇戲，之後去攞相。當然我買完野就同佢會合啦﹗就係咁放左我一日既假囉﹗

Labels: ,

posted by purpleaileen @ 10:15 AM 0 comments

Monday, August 20, 2007

放大假

wow~~終於放假喇﹗今日係第一日，同我想像中一樣，真係瞓唔到，10點就一定要起身。起身後換左床單，吸左塵，都叫做做左一樣野。
兩個星期既假期，原定可以同朋友去下旅行，但係最後都安排唔到，真係有d失望。至於佢又請唔到假，而星期日仲係7月14日，佢媽媽會俾出夜街，唉~~~更失望。年年到暑假都係因係14/7而冇得去旅行。
1/9心大又心細，想做又唔想做。點算好呀﹗星期三前我要作最終決定。
不過而家最仲要真係要好好咁休息一下(精神上)。

Labels:

posted by purpleaileen @ 4:14 PM 0 comments

Thursday, August 16, 2007

再上班

世事既野真係好難預料，估唔到係我plan緊點去休息時，我1/9又要返工，係一份長工添﹗其實一路都未搵工，真係激死我。唔通有一份都ok既工，個老細又ok既唔做咩。點解我要咁命苦，想休息下都唔得。人生如...其實而家既決定都唔知岩定錯，但又怕機會走左又冇左，你話點算﹗唉~~

Labels: ,

posted by purpleaileen @ 10:48 AM 0 comments

Saturday, August 11, 2007

公開了

星期五，終於派通告，我唔駛再咁辛苦。唉~時間過得真係快，而家仲有四日工要返，開始有d唔捨得小朋友。今日係家長面談日，大家都有點無奈。其實我都有唔捨得大家，樣樣都有唔捨得，仲有四日，唔知可唔可以執齊d物資呢?...我都唔知....想點...?

Labels: ,

posted by purpleaileen @ 5:37 PM 1 comments