憤怒的我
(以下文字可能引起大家不安，因為太氣憤，敬請留意。)唉~~一個星期六，係一個不一樣既星期六，因為呢個星期六係我冇工作負擔既假期，居然係冇節目。我全日都係屋企，冇出過門口。唉~~真係好激氣呀.......放左咁多日都未去過街，衫又未買，肥又未減，運動未做，水又未游，野食又未煮過，湯又未煲...連..拖都未拍過，真係憤怒到極點。
本來想出去旺角行下街，因為我同佢都要買鞋買袋，而家淨番星期日邊夠時間呢???下個星期仲有好多野要做添，睇本日曆簿日日都有d野做，跟本就唔夠時間做。
係~~~我知~~~係我衰，自己攞來衰，人衰冇得救，好衰唔衰衰...唉..我真係唔想呀!!!抵死啦啦隊知死啦!忙啦!唔夠時間用啦!係自己攞來忙嘛!!!人放假我放假，攪到周身唔得閒咁。
知唔知d銀行真係好鬼煩，去下呢間又去下個間，開個戶口又要咁又要咁，cancel個戶口又要咁又要咁，想轉下個戶口，又要咁咁咁咁...真係好好好好好煩。仲有一箱二箱既野，仲係度等緊我，有成10箱呀~~~點執呀???屋企自己間房10年冇執喇...點執呀???救命囉!!!電話公司又要攪，又要轉呢個名轉果個名，唉仲未攪...保險又未攪，又唔知而家保我乜...兩腳一仲就真係唔知黠死好，點攪呀???之前仲話想去旅行，今次真係去埋條命囉!!!一日時間真係好少咋，洗下衫收下衫再掛下衫又冇左半日...
今日成日執左全屋既鞋~~嘩!真係多真係多，但係唔係我d鞋囉...人都唔係度住，霸咁多地方做乜，你話做乜，點解要霸埋我d位先。
不過今日執左係企個幾箱野，安落左d，不過一入房...真係想死~~~d火又來喇!幾時我先可以真真正正去執下呢???女仔人家，間房點解唔可以見下人呀???(雖然唔駛見其他人)不過自己都係人啦!!!真係好似瞓係個dog竇...
真係火遮眼，睇乜都唔順眼。
唔打..要休息下，唔係條氣真係好唔順...
(wow~爽~~唔好意思，失禮哂!!!)
posted by purpleaileen @ 8:41 PM
4 Comments:
嘩!!無見幾日啊,d火咁大既???
冷靜d啊!!!!!
ah kwan......
How R U?? DONT be so AnGRY la....BE MORE HAPPY D la ^_^ Hows ya Treatment ar???? r u plan go ya new job Sep 1st?????
Take Care
ELAINE
ivycheung：我好冷靜呀!你去左旅行時我仲慘。
elanie：唉，有時度氣真係好難頂。treatment做完冇反映呀。
ah kwan.....
How much u pay for that Treatment????
Post a Comment
<< Home