Friday, July 28, 2006

解決了

解決了~~重生了~~又要再次解決了。

posted by purpleaileen @ 11:47 PM 0 comments

Thursday, July 27, 2006

好忙

唉~真係好忙。幾時忙完呀﹗

posted by purpleaileen @ 9:29 PM 0 comments

Sunday, July 16, 2006

負離子+睇Cars

本來一早較左9點起身去整個頭，點合真係起唔到，成10點幾先起呀﹗咁就慘喇，我即刻去整個頭啦﹗一整就到差不多4點，好在趕我切去睇戲，一行6人睇<<反斗車王(Cars)>>，套戲都ok，不過拖長左少少，所以都有d悶位。anyway，真係開心過平時睇戲咁。之後去左食我最like既壽司，不過點解太子間元氣會咁呀﹗真係大失所望呀﹗食完仲好口渴添，返到屋企，我同佢都食左半個哈密瓜先好好多咋﹗哈哈~就係咁樣好開心過左一日喇﹗
(有朋友真係好開心呀)

posted by purpleaileen @ 11:58 PM 0 comments

Saturday, July 15, 2006

疲累的一天

星期六，心情已經放緊假喇﹗不過又要返工，唉~~~真係好想星期六放下假呀，但係而家一睇，由現在到學期尾都冇一個星期六係free，冇喇﹗
今日約埋d同事一齊做野，雖然真係好累，不過真係好耐冇試過咁多同究一齊做野，有講有笑。做酊7點我就要走囉，因為要去打羽毛球，3個人打，真係好過2個人打呀，起碼我唔駛咁辛苦嘛﹗不過真係好累啊﹗

posted by purpleaileen @ 11:51 PM 0 comments

Thursday, July 13, 2006

過夜

今日同d同事一齊留係學校做野，當然係畢業典禮既野啦﹗做到夜，我選擇唔返屋企呀，咁一方面又方便自己啦，另一方面又可以俾亞媽係間房到瞓，今日天氣咁熱，我間房又有冷氣，媽會瞓得舒服d嘛﹗人地一早就瞓左囉，咁同人地講聲，我要做野唔返屋企，問題又唔係好大，哈哈﹗

posted by purpleaileen @ 11:36 PM 0 comments

Wednesday, July 12, 2006

不是味道

剛同一位*偶像朋友傾電話，聽左佢既故事，我係有d不是味道既感覺。我覺得佢真係一個好好既人、好幫朋友、叫乜佢都辨得到、有責任心、上進...佢最幸福係有個好好既女朋友，其實每個人都有好有唔好，但係好幸運我只係睇到佢好既野。
anyway,我會繼續睇呢個世界最美好既野。
*偶像朋友~佢有一個我想追求既生活方式。

posted by purpleaileen @ 10:47 PM 0 comments

不幸~~可惜

昨晚~~我聽到一個電話，本來以為係一個好耐都冇聯絡既朋友打來，好開心咁聽，順便鬧下人啦﹗點知，不來係佢女朋友打來。第一句：「lin姐(他改我的名字)，我係xx，xx今朝去左呀，我等登打來通知你，因為我知你成日同佢傾心事。」聽完，我只係除左問佢發生左乜事，問候下對方同佢d家人，我真係唔知可以做d乜。一個好人、一個年青既人，就係咁離開左我。...當我知道，不來佢自己都唔知自己去左既時候，內心真係有好多矛盾。人就咁去左咪幾舒服，但係自己去左都唔知，又好似唔係咁好。我真係唔知...近排真係發生左好多唔開心既事呀﹗

posted by purpleaileen @ 8:59 PM 0 comments

Monday, July 10, 2006

內心的不安

昨日出入大酒店，個人硬係好似有d唔多舒服，我真係唔想再到呢d地方。唔係自己驚同怕，而係唔多喜歡見到d咁既場面。

posted by purpleaileen @ 9:59 PM 0 comments

Saturday, July 08, 2006

放假都要趕工作

今個星期六安排左係放假，係因為就來畢業典禮，有好多野做，大家都想約埋星期六一齊做，為有預放左假期先啦。不過就放得唔係太開心，星期五放學返到屋企，整下自己野就要立即開工。雖然我辛苦，但係我做唔起人地執尾既都係辛苦啦﹗其實都已經交左1/3part，仲有2/3要做。做到3點幾終於完成1/3part，可能對電腦太耐，對眼十分之痛。真係年紀大喇﹗頂唔順開夜車係電腦做野。瞓醒一覺，又未有mood做，唔做又唔好意思，為有死做啦﹗當然個速度係慢~慢~慢，諗極都諗唔到d活動。好在有人買個早餐連lunch上來補給下，即時醒神。唔駛2.5個hours又攪掂。yeah~~~可以出下街街行下。(其實我今日係想做下負離子，不過就係要做野，唔夠時間做喇﹗算一於聽日染左個頭先。)

posted by purpleaileen @ 11:47 AM 0 comments

Friday, July 07, 2006

點心課堂~蛋橽+笑口棗

今堂係最後一堂喇﹗一心諗住上完堂就同朋友食下飯，點之....難得哥哥仔又約左同事食飯嘛﹗不過唔緊要啦，有人出來接左我就得喇﹗今堂同左d同學仔交換左電話同email，雖然只係十日同學，不過岩傾咪得囉。我地仲同亞sir影左張相。哈哈! (我真係好似個師奶)




酥化雞蛋橽






笑口棗

posted by purpleaileen @ 10:06 PM 0 comments

Sunday, July 02, 2006

美國冒險樂園

全港最大規模的室內主題遊樂場 - 美國冒險樂園
自一九九四年六月成立首間「美國冒險樂園」，我們在香港已開設了五十六間分店，十一間於香港島、二十五間於九龍及二十間於新界等地區，以約每兩個月開設一間新分店的發展速度，我們預計在香港將開設達八十間分店，分店網絡覆蓋全港各主要商場及屋苑。同時，我們亦已計劃將業務擴展至海外，務求將「美國冒險樂園」的歡樂帶到任何一個角落。

「美國冒險樂園」之經營信念
「超值、價廉」(high value, low price)已言簡意賅的帶出了我們的經營信念．我們現擁有超過四十二萬的會員，由於我們提供「老少皆宜」的娛樂空間，每星期都有超過一百萬人次的香港市民，定期到我們的分店遊樂。

就係咁樣，另到我地每次都最少消費$250。

posted by purpleaileen @ 7:47 PM 0 comments

Saturday, July 01, 2006

我打羽毛球

做下運動身體好，除左去做gym之外，會加一個做運動新活動，就係打羽毛球喇﹗今日係第一次，book左8-9pm，試打一個鐘，希望我頂到啦﹗
首先5:45pm進食左我既晚餐，之後就去買左對羽毛球鞋，跟住就去運動場睇下d人打下波，做下心理準備。一開波，10球有9球接唔到，仲俾d唔識既人笑，情境就係我開波，人地打過來，我就好似接波咁，不過個波就係我身邊跌左係地下，唔夠15mins，我有d頭暈，成個人好紅，好似會爆血管咁，真係好驚。不過休息左一陣就好d喇﹗因為找到個原因，可能係我成人彎腰起身拾羽毛球既關係，之後我就被安排只係打，唔駛執，個波係身邊地下就有人過來幫我執。哈哈﹗真係好似好好多喎﹗出左好多汗，對腳係過程中冇痛過，只係隻右手既膀頭有d痛，不過都忍到。最後終於都完成一個鐘既羽毛球活動。諗住去book場，不過唔岩時間。而家真係好累..仲有d肚餓，放心我要努力，我唔會食野住。
p.s我見到佢好似都好累，可能成人走來走去執波仔掛。

posted by purpleaileen @ 11:07 PM 0 comments

世界杯~德國vs阿根廷

琴晚食飯順便睇埋波啦﹗真係好多人...只要有波睇既地方都好多人。仲好多人食煙，就來煙屎我。
德國...明明我都話買德國。點解唔買，偷偷地買左阿根廷喎﹗哼﹗請勿小看女孩子。

posted by purpleaileen @ 3:27 PM 0 comments

點心課堂~咸水角&鳳凰球

星期五點心課堂

咸水角包製過程






好多味精既咸水角



未炸的鳳凰球




食得既鳳凰球

posted by purpleaileen @ 3:02 PM 0 comments