Thursday, August 31, 2006

最後衝刺

暑假last day真係唔捨得呀﹗今日做出最後衝刺，我一定要去冒險樂園、睇戲、食飯、行下街。唉~雖然都係九龍灣，雖然要自己買飛先，不過等到人放工都好d。行行下街，我0地又買左三鞋，我兩對、佢一對，仲有個手袋送添。(又多對情侶鞋囉﹗)終於睇左 「加勒比海盜：決戰魔盜王」話睇話睇都好耐，我都係唔心息，點都要睇左佢先安落。不過睇完都成11:45pm，而家返到來都要成1點幾先瞓得。明天開工喇﹗希望自己開工大吉啦﹗
(有時覺得女人洗錢，真係好快，而且真係好開心呀﹗)出量嘛﹗不過一晚用成千幾二千蚊，又真係過份左少少。放縱一次咁多啦﹗

posted by purpleaileen @ 12:40 AM 0 comments

Tuesday, August 29, 2006

今日既心情

今日唔知點解會有心機係學校做野，一早起身叫左個朋友來整野。整完之後，又想做多少少野，睇下個鐘又唔爭在做多一陣接人放工，點知就係咁到差不多7點。今日做野既心情有d唔同，好多野都唔想去做，不過真係做得唔多，可能就係冇乜心啦﹗只係同人傾下計，風花說月，傾下政府，傾下人生觀...等等。
anyway,日子會繼續過，而工作都係要繼續做啦﹗放左個暑假，淨返聽日一日，唉﹗真悶。放工時係個tray發現封信，當然我真係唔想封信返來，信看來係有人拆過，但意義不大，0係信封面貼左張紙，睇完後我，再細心想想，我真的要改變了。
總結，無奈了。

posted by purpleaileen @ 10:43 PM 3 comments

Monday, August 28, 2006

唔知做乜好

唉~RELAX完，人地就返工，我就唔知做乜好。其實我點會冇野做呀﹗只不過唔想做，想一世唔駛做，又時想下日日行街買餸煮飯，真係好好。不過想下就好，如果真係就唔知係咪咁好囉﹗執起支筆，寫下一D要做既事，真係仲有好多，而假期又好快過，都唔知點算。今日做左少少野，個暑假長多一個星期就好囉﹗又或者人地放多一兩人陪我做野咪幾好。唔係...又或者搵一個能夠係我背後支持我既另一半咪又幾好。又或者搵一個係我前面可以擔起得我咪更加好。我應該想得太多了，仲係唔知做乜好，咁就去瞓覺囉﹗

posted by purpleaileen @ 10:46 PM 2 comments

Sunday, August 27, 2006

黃金海岸兩日一夜遊

黃金海岸兩日一夜遊
真係幾舒服呀﹗可惜得一晚，如果多一晚就好好多喇﹗wow成日都熱到死，行下沙灘、行下商場、行下海邊，就咁過左第一日既下午。不過真係好熱，之後食左一個前所未又咁早既dinner，6:30去左一間餐廳据下扒，望住出面d人係度bbq，真係熱。其實我都好想bbq呀﹗$88任燒海鮮bbq，真係幾正，不過真係好熱呀﹗7點幾就食完野，買左一盒紙牌返酒店玩啦﹗一玩就1、2點，人家瞓住玩，我就鬼咁精神，到最後都唔知幾點先瞓左。到早上6點幾餓醒，好在一早有準備個飽，食左又瞓，一瞓就11點幾，唉~~~早餐都冇得食囉﹗同隻豬一齊真係激氣。check out後就去左深水bo，食左我最愛既壽司。跟住就去買佢最急需既玉石，好在搵到岩佢心水咋，買左一對，哈哈，一人一隻帶住。最後去左西九龍中心行下街，係咁累既情況有一個乜乜視障人士按摩既野，我就試左15分鐘。都ok喎﹗以我一個未去揼過骨既人，覺得算就咁啦﹗起碼我唔驚，可能慢慢就會試全身按摩囉﹗


<--酒店入拍下的神秘合照

posted by purpleaileen @ 8:11 PM 1 comments

Friday, August 25, 2006

放暑假了

終於等到喇﹗放暑假第一炮就係同一兩位同事去唱K，嘩﹗唔講唔信，可能自己真係好耐未去唱過K，點會咁呀﹗我當7點去到啦，入房之後原來我地係可以唱到5:45am，哈哈生意真係難做囉。我地都唱到3點到就走囉，出面d房已經冇乜人，淨下一兩間房係仲有人唱緊歌。
有個笑話，有一同事她的電話冇電，居然他有位男性朋友可以打電話去唱k公司搵佢，問佢走左未，仲叫d服務員請我同事覆佢電話，哈哈﹗原來普通朋友係咁既...
返到屋企已經成4點先，一瞓就成下午9:30，真係嚇一跳，原來自己瞓左咁耐喎﹗

posted by purpleaileen @ 4:54 PM 1 comments

Tuesday, August 22, 2006

和老朋友吃飯

真係好耐未試過冇同事，only得老細同我齊齊夜麻麻咁係學校做野。不過都好，自己一個可以做多d野，專心d嘛﹗到9點幾，剛剛好約了一個老朋友吃飯。哈哈﹗我都唔知點解喎，食完餐飯，感覺到人...原來真的會變，又或者原來人既內心係好難估到既。唉~~~老朋友，你變了。不禁想起一句說話「施主，回頭是岸呀﹗」

posted by purpleaileen @ 11:52 PM 3 comments

Sunday, August 20, 2006

病~~真的很辛苦

病~~~對我來講真係唔開心、又唔lucky，而且都係有一連串相近既因素出現先。
第一，每次病都係有大program or 要帶outing。
第二，通常都有長假期放(如新年、聖誕、間假)。
第三，大多數病個幾日，都係唔可以請病假。
第四，十次有九次都係有d文件好趕，又唔瞓得。
第五，唉~最想既人唔係自己身邊(如返工、陪家人、佢都係病)。
今次病都唔例外，星期六見完d家長、今日又要帶outing(真係好累，近年次次帶outing都係發燒)、星期一要做結業活動、星期二一要攪掂暑假渡假既事情、星期三賣旗同埋十周年聚餐仲有約左舊同學食飯、星期四都要見家長、星期五放暑假，但係新學年所有野未做過，舊學年既又未完貨......唔想咁多喇﹗都係瞓下先。

posted by purpleaileen @ 6:26 PM 3 comments

Wednesday, August 09, 2006

好耐冇上來

真係好忙，終於有少少時間上來打幾個字。畢業典禮又完喇，小朋友d評估又完喇﹗之後仲有幾個program要做，籌款、十周年、結業禮...都未完。希望快d完啦﹗有d野又快d解決啦﹗

posted by purpleaileen @ 9:52 PM 0 comments