Tuesday, December 27, 2005

聖誕節旅行(後)

唉...一連三日既旅行(24/12-26/12 中山、珠海)好快就過左，不過有d地方又真係好玩，但係成日都係車上，真係好累。今次去三日兩夜，兩夜我都同人地面左左。雖然浪費左相處的時間，不過都有ok啦﹗

posted by purpleaileen @ 9:35 PM 2 comments

Friday, December 23, 2005

聖誕節旅行(前)

明天...就去旅行囉﹗雖然只係短短三日兩夜，但係都有d緊張。真係等左好耐喇﹗唔知點解成日返工就待放工，星期一就等到星期日，星期日就望節日，節日就望過年，過年就望暑假。唉~生活真係好似冇乜起色咁，有身軀，就冇靈魂，當然旅行係一個最好既方法去令我自己回魂。
希望今次旅途愉快啦﹗

posted by purpleaileen @ 10:49 PM 2 comments

Thursday, December 22, 2005

完成了這個DIY美容班

唉﹗大家真係估佢唔到，甚麼DIY美容班，佢地講個D我都係識既。不過都好有得用下佢地D化妝品。今既係最後既一堂，真係SALE我野。好在，我地唔會咁俾佢地SALE到既。
其實最後呢兩堂都係學化妝同埋用佢地D化妝品，真係唔係我預期個學習。明明話最後個堂係學PARTY LOOK，點知咪又係普通野。
總結：
1~原來我幫人化妝都幾靚喎﹗
2~原來自己老左。
3~化妝品真係可以將醜女變靚女(有學員為証)。
4~俾人化妝係舒服過自己化。
5~做美容唔係一定係靚女。
6~自己真係要保養下。
.......仲有.........諗到先再寫

posted by purpleaileen @ 12:30 AM 0 comments

Tuesday, December 20, 2005

齊齊過冬18/12/05

18/12係屋企做冬，今次係公公屋企到食，今年係最多人既一年。有公公、舅父、媽媽、細妹、細妹男友、細佬、我、佢，一共有八個人，可惜爸爸已經唔知係邊一年開始冇一齊食飯。真係好耐，有時自己想...一家人開開心心，係咪真係要難呢？最後我都係覺得真係有難度。
呢日都係佢第一次上來我公公食飯，第一年做冬，真係有d怪怪咁。不過我一開始就送左條頸巾俾佢，等佢溫暖下啦﹗(我又真係唔知佢喜唔喜歡，開唔開心喇)。佢買左兩支香檳酒同 d汽水上來(我叫佢買)，都冇乜失禮人，因為大家飲得好開心。




<<第一條頸巾>>

posted by purpleaileen @ 10:21 PM 6 comments

Thursday, December 15, 2005

我的作問完成了

哈哈﹗我終於完成左兩條頸巾啦...咁大個女，我都係第一次咁有成功感。其實兩條頸巾都係佢既，我都會織多條俾自己。呀~影張相先，遲d放上來嘛﹗

~~~~~~~~~~~~~~~~~~~~~~~~~
今日睇左遍文章：不快樂
女人是容易快樂的。
一來女人的心願較男人易達成，二來，女人是容許自己快樂的性別。 女人不快樂，會逛街、買衫、與朋友訴苦、狂歌熱舞。女人擅長驅走不快樂。 而往往，女人又從不快樂中自我增長。不快樂時學習化粧減肥技巧，應用了，就在他日增長了自我條件。 失戀的女人，很多時比戀愛中的漂亮，皆因她們在失戀中自我增值。女人不快樂，就會想辦法趕走不快樂。女人愛從活動中得到快樂。況且，女人是易滿足的。女人得到一個靚手袋、一個靚髮型就會滿足非常。要女人開心，其實易一點。
男人，難以快樂。
男人常常覺得，真正的快樂來自大成就，因此，世界上90%的男人也不快樂。他們如何能快樂？都達不成心目中的理想。 男人並不擅長快樂。當失意時，男人就逗留在苦惱之中，不知如何離去。男人瓦解不了不快樂，他只能屈在山洞內不走出來。 又或是，男人以工作來隱瞞自己的不快樂，他們一不快樂就拼命工作。如此這般，不快樂沒有瓦解之餘，反而在隱瞞之下更沉重了。 下一世，我仍然想做女人，因為做女人開心些。
~~~~~~~~~~~~~~~~~~~~~~~~~
其實我都真係好易快樂，但係點先可以令到佢明天呢？

posted by purpleaileen @ 9:23 PM 5 comments

Sunday, December 11, 2005

畢業典禮2005(三)







係公公屋企影呀﹗

今日一早起身就同亞kenny哥一齊去茶樓搵位，因為要佢要請我公公、舅父、媽媽、細妹、細佬飲茶。飲完茶之後，我地就一六上左公公屋企影相，跟住就去左polyu度影啦﹗
今日一早我收左個bearbear熊公仔，哈哈﹗都好咁就又有花又有公仔，咁先似影畢業相嘛﹗
好在束花都未謝，仲好靚，好襯我。
等我post張相上來先。

posted by purpleaileen @ 10:34 PM 6 comments

Saturday, December 10, 2005

畢業典禮2005(二)















今日係同poly同學一齊影畢業相。大家一齊努力左3年，感情當然十分好，佢地畢業後已經有兩個結左婚。今日大家真係好開心，當然最開心係我啦﹗有花收，哈哈。係poly讀書，就令我識左咁多個好朋友喇﹗同我一齊讀書既 group member 有8個人，有 Cat、Mandy、Isa、小芳、小瑩、Wing、Tammy、我，希望我地能夠友誼永固啦﹗
聽日就同我屋企人影...哈哈﹗
下星期就同IVE既同學影相...哈哈﹗

posted by purpleaileen @ 10:51 PM 0 comments

Thursday, December 08, 2005

三日兩夜

成功喇﹗我終於成功報團，聖誕節可以去旅行喇，24/12出發﹗雖然係大陸，不過真係好過冇。終於衝出兩日一夜喇﹗yeah~~~三日兩夜....
其實我係想去四日三夜，仲要係去台灣架...不過....
好過冇啦﹗
三日兩夜~~ YEAH!!!

posted by purpleaileen @ 10:10 PM 0 comments

溫暖牌???

好多女人話織頸巾俾自己既另一半，就會令到他好開心。其實係咪真既呢?由細到大我同普通女仔一樣，學過織頸巾，不過真係從來都冇想過會織俾人。
哈哈﹗今次我都學人織下頸巾送俾人，雖然我唔知收個一個人開唔開心，不過係織既過程我自己就幾開心，幾有滿足感，就算織得好醜怪我自己都會好開心。唔好以為我真係咁開心呀﹗其實我都唔傷心過呀﹗有一日，我好努力咁織我既第一條頸巾，不過當我開始有少少成績既時候就,,,,俾我亞媽拆左............我真係喊左出來呀~~~
唔知男仔收到溫暖牌係咪真係會開心呢？

posted by purpleaileen @ 9:46 PM 0 comments

Saturday, December 03, 2005

畢業典禮2005







宣佈我學系時...








終於畢業喇﹗我苦戰左4年，今日終於到了。
3/12(六)紅館10:30am-12:00
好耐都冇見咁壯觀既情境囉﹗

posted by purpleaileen @ 9:55 PM 3 comments