Wednesday, March 28, 2007

時間過去得太快

好耐都冇寫blog，早排有兩個星期媽媽都不在港。我就可以好開心咁過二人世界，不過而家就好難喇﹗突然大家都冇時間，一早就返左工，一早就瞓左覺。我就真係有好多野未做，點解一d做野既動力都冇。唉~~激死，回想時間真係過得好快，咁就大半年，但係心中仍然想時間過得更快，不要受每日的折磨。
公公好左好多，第時我老左都唔知點，不過都唔駛想咁多，有咁耐日子先算啦﹗哈哈﹗

Labels:

posted by purpleaileen @ 8:35 PM 0 comments

Monday, March 12, 2007

公公老了

公公年紀越來越大，而家開始唔係點行得，上星期開始飯都煮唔到。星期日一早要帶公公去睇醫師針灸，一早起身真係好辛苦，仲要煮早餐更累，不過煮得好開心呀﹗一行三人陪公公睇完醫師，就陪佢食午餐，好明顯公公係好開心，因為有人陪嘛。個醫師又識講野「亞伯，你真係好囉﹗d後生對你咁好，又男孫女孫都陪你，仲有孫女婿。」嘩~我咪話唔係女婿呀﹗點知我公公話「係呀係呀~佢地都好乖呀﹗係呀係呀佢係孫女婿呀﹗」老人家真係樣樣都心急，想自己睇多d耐d。 到夜晚上左去公公度煮飯佢吃囉，好在人地陪我，唔係淨得我同公公舅夫，都唔知點食囉﹗返到屋企都成10點幾，真係累上累呀﹗如果多一日假期就好囉﹗

Labels:

posted by purpleaileen @ 7:40 PM 0 comments

我的志願

年假後既生活，真係冇一日好過。中午唔食飯都做唔切，點解唔俾我中六合彩呢？
今個星期六媽媽去左廣州玩，哈哈~屋企就係我既世界，不過又係忙忙碌碌咁過。中午放工就返屋企，公公話個胃有d痛，好在又冇事。跟住去買餸煮飯，有時煮飯都幾開心，我細佬不嬲都唔係點食屋企飯，差不多成六尺高大大隻都係食一碗仔飯。不過我煮呢？heehee佢就會食成2碗飯，仲食好多餸添，食多左佢自己都唔知，哈哈~其實我媽媽煮野真係好好味，不過而家有d後生又真係對食冇乜要求，越簡單就越喜歡，煮佢地喜歡食既野當然食得多啦﹗見佢地食得多，我就好開心呀﹗(點解我真係好似亞媽咁﹗)
到瞓覺時，自己唔知點解就係度想，點解我細個時既志願唔係「家庭主婦」呢？其實呢份職業可能先最適合我，我相信我會好專業，同埋我會做好呢份工0架。

Labels:

posted by purpleaileen @ 7:11 PM 0 comments