準備出發~加國之旅
wow~d行李都執得差不多，不過亞媽仲有野要買，我而家真係似走難。唔信~我一家會係機場影張出發照片，到時大家就知。雖然而家都未出發，不過今晚仲要去公公家食飯，之後返屋企要再執妥。相信再冇時間上網，到時希望去到加拿大安頓好後，就即刻可以上網見下d朋友啦﹗哈哈~其實我都只係去旅行探親，不過真係好耐未試過離開香港咁耐。最重要係自己一個人，仲有張機票係一年期呀﹗如果真係有需要...唔知我會唔會真係一年先返呢???為左今次加國之旅，我開左一個blog，到時大家就可以係果度知我既近況，當然係for而家睇到個blog既朋友啦﹗返到香港我先會再寫My Secret。ALL MY BEST FRIENDS ,SEE U LATER! BYE!加國之旅http://puraipleleencanadatrip.blogspot.com/Labels: 心情, 旅行
開始執行李
今日又好似好d，但又好似有d頭痛，希望明天瞓醒就好番哂啦﹗時間越來越近，d行李都執得七七八八，起碼要既野都入哂喼，除左有d係而家都要用既野。明天就係最重要，星期五plan左要買一d需要既物品，去銀行攞加紙，仲要少少既港紙。睇來真係冇時間，星期六仲要去公公家食飯。其實真係唔明，我都係自己去下旅行姐，攪乜咁鬼多野，都唔係我既野。探親都唔駛啦﹗又奶粉、又糖、又朱古力......真係僧激死我呀﹗Labels: 心情
突然病了
其實係昨晚開始，個鼻有d痛，仲有d鼻涕。到一瞓醒，真係大件事，起唔到身，惟有再瞓，一直瞓到起到為止，就係咁就成12點幾喇﹗真係好耐冇試過瞓咁耐，平時放假都係瞓到9點幾，今日瞓到12點都仲要瞓晏覺。唉!千其唔好發燒，希望明天瞓醒就好返啦﹗今日情況：穩定、有鼻涕(綠色)、有痰(綠色)、有少許咳、頭重、眼瞓、口乾另外，今日執在行李喇﹗不過都係初步，大概都執齊。而家行李件數會有：2件寄倉1個背包1個斜咩袋1個暗袋Labels: 心情
Kenny's D-day之板長壽司
生日係一個大日子，一定要食d想食既野。好在我同佢都係like日本野食既人，所以我毫揀左間又近又未食過既日本壽司店，就係<板長壽司>。(其實真係我自己想食咋，佢本來係想食.....哈哈!)
咁樣我地就去左淘大新開果間<板長壽司>，之前板前都未食過，但係網上面就好多評語話呢間<板長壽司>麻麻地，所以一開始都有唔係太大期望。當去到門日時，真係好多人排隊，一攞位我就話可以坐卡位，哈哈~估唔到即時有喎!入到去服務都ok，只不過添水就好慢，叫完佢又好忙，佢都好唔好意思，我都未試過可以飲到隻杯一滴水都冇。
等我想想食左d乜先：
4客 三文魚壽司
1客 燒三文魚壽司
1客 鰻魚壽司
1客 xx帶子壽司
1客 xx鰻魚壽司
1杯 親子(三文魚魚子紫菜飯)
1客 三文魚生春卷
1客 鰻魚生春卷
1客 中吞拿魚
1客 xx鮑魚軍艦
1個 綠茶冷麵
1客 炸魷魚x.....等(唔記得囉)都好似食左好多咁。不過好快就係時間回家，因為主角明天要返工嘛﹗我都係乖乖咁俾人押返屋企。Labels: 生日
出發前的星期日
今個星期日乜都冇做，又冇去邊度，只係睇左
C+偵探(The Detective)，而上星期就睇左
色，戒(Lust Caution)，兩套戲各有特色。現時人人都討論，所以我都冇特別想講。只係想講下對看電視時閎態度...身邊既人睇電影時既反映真獨特，真係唔明呢兩套戲開頭真係好悶咩？我估在欣賞過程中，有1/3時間係睡著。
唉~突然我想起朋友說句「骨格精奇...」。
下星期日呢個時間，我已經自己一個係飛機上囉!!!
Labels: 假日, 心情, 閒談
了解
我了解佢，佢了解我嗎? 我真的了解他嗎? 他真的了解我嗎? 了解...重要嗎? 一年又一年，從大家既相處中，慢慢流露出互相係對方既形象、喜好、IQ、EQ、AQ.....等等。 對我了解，佢了解我是...「一個傻妹、肥妹、唔用腦、任性、衝動、多野講、多心、數學白痴 、愛食、愛玩、...」唔知大家點睇呢?Labels: 心情
祝.佢生日.我快樂
今年陪佢過既第xxxx年既生日，雖然唔係慶祝新曆(因為新曆唔係假期)，不過我都有用心用金去安排，酒店個窗口係望到海，仲可以睇激光添。一連三日既活動，真係好平凡好平凡，同平日既假期一樣。活動總結：睇左一場戲、食左2日都係日本野、食左2次茶餐廳、嘆左2次下午茶、行下街(記住係行街一條又一條喎!唔係睇野喎!)，...就咁...完結了。佢開唔開心...快唔快樂...我唔知...。因為不論做既、食既、行既.、玩既...佢都冇俾意見，佢既意見就只有「你想呢?」「你喜歡咪得囉﹗」「你鐘意啦﹗」，最後決定既全部都係我自己想做既野。不過我估佢見我開心，佢都會開心。哈哈~好似我自己生日咁。經過今次假期，發現大家都有d改變左、長大左，所以溝通都好左。係好定唔好，我就唔知，我希望係好啦!anyway，祝佢生日我快樂啦!其實只要同我一齊咪快樂囉!不過如果將來大家唔係一齊，哈哈!我唔包佢會快唔快樂囉........哈哈哈﹗哈哈哈﹗睇落我都好似係一個好自私既人咁添...Labels: 假日, 心情, 生日
