功夫之王 (The Forbidden Kingdom)
功夫之王 (The Forbidden Kingdom)，雖唔係咁想睇，不過係冇乜選擇既情況下，加上早前既宣傳都不俗，就即管看看。睇完之後，.......^=^'，都唔係太岩我睇囉﹗
睇完就去珊瑚堡食飯，其實之前都去過一次，都係普通餐廳咁，都唔明點解會再去多次，早之去食板長啦。唉~明天仲要返工，真係唔開心呀﹗明明係紅日嘛﹗極不願意呀~~~~~﹗
Labels: 心情、電影
續漸迫近
時間續漸迫近，星期六返全日都做唔掂啦﹗野就要照去，舊既又未清，仲要幫佢做返d舊野。哈哈~真係想知到時睇下點樣死。我一定要置身事外先得，唔係辛苦自己就唔好啦﹗Labels: 工作, 心情
女拳霸 (Chocolate)
勁呀﹗一連幾日睇左幾套戲真係前所未有。 本來今日都有想過會去睇戲，不過因為天氣真係太熱囉﹗食完早餐+午餐就開始想下今日應該有乜節目呢？一想起要係條街度行來行去就真係唔想行，行商場又成日行喎﹗唯有去戲院睇下有乜戲睇，又可以坐下，又可以嘆下冷氣，又可以休息，仲有睇下戲，哈哈~係咪一個好選擇呢？由於近日睇既戲太多，真係想唔到睇乜，就咁等人發板，最後揀左女拳霸 (Chocolate) 。 《拳霸》、《冬蔭功》導演 強勢打造女版TONY JAA，就係呢句就入去睇過係咪先。的確同yahoo講一樣，<所有動作場景都是真人上陣，沒有運用任何電腦特技效果>，不過要補句，拍完部戲都死傷無數。點解拍一部功夫電影會咁慘...anyway，最後本人覺得...阿部寬真係好型~好型。
睇完戲，去下冒險樂園散下心，就同kenny一齊去公公家食晚飯囉﹗^.^
Labels: 心情、電影
走得麼新郎哥 (Run, Fat Boy, Run)
今日本來要返全日既工作，好在係下午一度傳出會打8號風球，於是老頂就叫我地返屋企囉。大家立即安排節目，有d一齊去整下頭髮，有d返屋企，有d行下街買下餸，有d就去睇戲。
而我當然係後者，朋友好介紹，係咁relax既情況下，去左睇呢套
走得麼新郎哥 (Run, Fat Boy, Run)。有關一個一事無成既男人，到最後演出一幕跑馬拉松，我都覺得good feel呀﹗唔係咩野，哈哈~真係幾好笑，有d位仲要笑到想死，睇完之後令我感覺到舒暢。
Labels: 心情、電影
夜行悍探 (Street Kings)
夜行悍探 (Street Kings)
今日慶祝同事安全順利渡過左一日重要既日子，於是就決定放工後，食飯睇戲慢慢嘆。
一放工就一支箭咁走人，兵分兩路，一個去買戲票、一個去攞個靚位食餐好既。
一切順利，就咁享受左一個開心愉快晚上。
今次呢套戲：
1.一開套就見到個發水黎明，好在奇洛李維斯戴番副超，就即時唔同哂、型哂。
2.仲有一個位就係當基斯伊雲斯追人時，奇洛李維斯就揸住車追，我心想...老了。
3.點解基斯伊雲斯要死呢?
4.奇洛李維斯演出典型，角色都係有型、英勇、打不死，有d似80年代既警察。
Labels: 心情、電影
人大了，多事了
好耐未試過放工可以準時走人，所以近日仲開始有朋友約下我食飯喇﹗今日約左polyu朋友，大家都係冇見3個月到，但係大家都有好多事件發生，好多事情轉變。又一次好好咁証明時間真係唔等人。人大了，身邊既人都會相應大。尤其是d長輩，除左係電視睇到不少名人去世之外，而身邊朋友既長輩都係逐一離開。早幾年，飲喜酒飲到一年12單，但而家喜酒就少了，相反第2樣就多了。但事實上，當大家能夠一邊食我最愛既壽司，一邊詳談大家既近況，不管內容是好是壞，都係一件開心及舒懷既活動。Labels: 同學聚會
小肥牛火鍋活魚專門店
昨晚去左打邊爐，食得好飽好飽。其實本來早機會來到試下，不過.......就冇試喇﹗今次終於試到喇，幾開心，不過同呢位朋友食得太過份喇...浪費左好多野食，真係美中不足啊﹗朋友，下次會去食d乜呀﹗如果再同我去食，你要記得，你見到我一定飽左5成囉，唔好再叫咁多，唔係又浪費。不過最後都係要同呢位老友講聲「多謝」，俾我有機會同你呢位又型又靚仔~.~既朋友食飯啦，又要車出車入，仲請埋食飯喎﹗Labels: 聚會, 閒談
Once (一奏傾情)
星期六，原本以為要開全日工，點知有surprise，就係咁有機會讓我睇戲，同時感受到好耐未試過既感覺(sweet/值得/good feeling/興奮...)。平時都係用來解悶多，多數睇完就算，唔會再討論，唔會有留戀。但今次有同事既介紹同陪伴，終於睇了這套電影。睇後感，我都唔係好識去形容，但我第一時間就係回家上網，download歌/搵歌詞/勁聽mp3/做電話聆聲/與同事replay電視情節...。真係好想睇多次呀!!!可能我真係太耐冇睇這類影片啦!
◎影片名：Once 一奏傾情 ◎國家：愛爾蘭 ◎類別：劇情/音樂/愛情 ◎影片長度：89 Mins
◎導演：尊格尼 John Carney ◎主演：Glen Hansard .....Guy/ Markéta Irglová .....Girl
Labels: 心情、電影
