My Secret: October 2005

Monday, October 31, 2005

哈囉喂2005

近這幾年既哈囉喂我都有出去行下，感受下哈囉喂既氣氛，仲落埋蘭桂坊添，真係好正﹗不過今年就唔同，係因為人家話第二日要返工，唉...我就邊度都冇得去呀﹗你話係咪氣死我~~~~~仲造遲d保數喎﹗
其實一個節日之麻，點解我都要咁大反應呢?不過我又真係覺得兩個人一齊，就應該開心下嘛...唔理啦﹗係佢o岩，咁我真係好想出去嘛﹗
今個哈囉喂.....=.="

Sunday, October 30, 2005

迪士尼門口呀~~

迪士尼門口嘖水池~~~

德國啤酒節紀念品~~

好玩的一天

迪士尼vs德國啤酒節

迪士尼門口
一早起身去旅行，今日我帶隊去欣澳站坐迪士尼主題列車往迪士尼....門口..影下相，行下個迪左尼碼頭，不過都幾舒服呀﹗跟住去左個東涌炮台...然後到東薈城食自助餐，最後去埋個迪欣湖。迪欣湖去左成兩次，真係比較悶。
wow 德國啤酒節~~~正!正!正!好耐冇feel個咁好既氣氛
"海港城六樓海景露天廣場豪飲勁食德國啤酒及美食，人手一杯一公升的巨杯啤酒，燒豬膝、不同款式的德國香腸，並欣賞來自慕尼黑六人搞笑樂隊的精彩演出。顧客在啤酒節過後，也許會得到一份「紀念品」——啤酒肚呢。"
不過我就冇飲酒,一杯汽水真係唔夠飲，d野食係好味。一個人俾左$150入場費，要另外買set dinner ($88-$1xx)。嘩~燒豬膝好鬼好食，不過不同款式的德國香腸就麻麻地囉。
哈哈，唔駛講德國啤酒節係winner啦﹗

Thursday, October 27, 2005

半日假

今日放左半日假期，因為佢請左一日假，而我又好難先請到半日，可以讓大家一齊休息下。
一心想住佢放全日，起左身都夠時間煮個lunch俾我，唉﹗點知這個(人)..是男孩不愛煮食。我放工後他說煮緊，去到屋企原來係冇煮。我都表達過好多次，其實我只係想佢煮俾我食...唉...
不過都好，唔煮都有得食，去左飲下午茶，係酒樓內好似身邊d 公公婆婆咁。
哈哈﹗感覺幾好特別...原來我真的老了...

Wednesday, October 19, 2005

如果我是一隻熊熊公仔

我好想做一隻熊仔(公仔)，佢每晚都要攬住熊仔瞓覺，而我就要自己一個人...唔知呢..我真係覺得好累..好累。人點解要有感覺、要有感情...如果我係一隻熊仔就可以唔駛咁煩、咁辛苦...又或者佢選擇當我係一隻熊仔啦﹗但係佢琴晚冇咁選擇，唔知佢幾時會決定..............

Tuesday, October 11, 2005

變性做男人

今日出左去睇下有乜工野~~~
不過要做一件事,真係有好多野要考慮,得我一個腦好辛苦呀~~~
男人要學習承擔...解決問題......好多...好多....
唉....不如我變性做男人啦

Monday, October 10, 2005

型仔

WOW....9/10係佢既生日.(9/10-10/10)我地一齊去左...
唔知佢開唔開心,,不過我就幾開心...
有一刻~~佢真係好型,佢好專心好認真好吸引呀~~~

Friday, October 07, 2005

緊張心情

今日一放工我就走左，因為我好緊張，又好想快d到聽日。heehee~~佢生日呀...聽日一放工我就同佢去玩喇﹗哈哈.....

Sunday, October 02, 2005

為何發洩...?

氣頂~~~KK第一次上大陸~~~氣死~~~音訊全無...我要發洩。兩日一夜一個電話都冇，得兩個e-mail你話我係咪會亂諗野先,真係激死我喇﹗
不過佢返左來,我又冇事囉...唔通女孩子就係咁...攞來煩。

第一次

第一次...我終於出手。
其實我一直都好想有一個地方係屬於自己,能夠讓我...發洩再發洩...。
希望尼個地方幫到我啦﹗

My Secret