Tuesday, February 28, 2006

女人唔好睇小(大食)

嘩﹗今日一放工就同左同事去行街街，其實都係睇鞋。因為同事好想買boot，咪同佢行下睇下啦﹗點知我又突然想做下d野，咪上去佢屋企做啦。咁樣咪一齊買野食上去慢慢食啦﹗點知一買就去左M記買左兩個餐，分別係麥樂雞9件餐，同埋板燒雞腿飽餐。點知我又想食下麵，我同事咪又煮埋麵。嘩﹗兩個公仔麵，內附墨魚丸、雞柳、雲吞、西芹、菜。將全部一齊食......，係咪真係唔好睇小女人既食量呢﹗

posted by purpleaileen @ 12:26 AM 0 comments

Sunday, February 26, 2006

報課程

唉~~~近日又開始睇下有乜課程上，雖然之前成日都搵緊d課程，增值自己，希望可以多一些知識，多一些出路。今次我睇中左幾個課程，有<中式美點>、<小本創業經營>、<釣魚研習班>、<如何在博奕中取勝>、<他們為什麼會成功>，仲有...不過真係唔知報乜好。希望盡快商量好，決定到報邊個課程啦﹗

posted by purpleaileen @ 8:52 PM 0 comments

Saturday, February 25, 2006

煮飯婆

嘩!昨晚星期五媽媽又去飲，我又要煮飯。不過今次有d家庭feel，原來真係唔好妥。佢放工，我又放工。我買送，佢就同同事去食野。我買完送，佢就食完野。好在佢話食得落餐晚飯，如果唔係....佢就知。成晚既程序好簡單，都係煮送、食飯、洗碗、食水果、再睇電視。
最後總結：「三送一湯食清光，顏色味道0岩份量，人靚送正0答哂糖，去皮水果啖啖爽。」好句妙句﹗

posted by purpleaileen @ 9:12 PM 3 comments

Friday, February 24, 2006

六合彩的夢想(結果)

唉..又唔中，我明明已經安排好中左要點做。唔緊要繼續努力，我會俾心機。一定有運行既。

posted by purpleaileen @ 11:49 PM 0 comments

Monday, February 20, 2006

六合彩的夢想

今日放工同同事一齊去買六合彩，希望中啦﹗我緊係叫佢一齊夾啦，中左就七三分帳，我七佢三，我既就係我既，佢既就係我地既將來，哈哈﹗係咪好理想呢﹗我同事聽到都費事理我，而我個人仔就叫我唔好發夢喎﹗我真係唔脂佢點解唔信會中六合彩喇﹗佢話機會好微，但係都有嘛，唔係咩﹗係路途中，我當然不斷去假設我中左獎之後既運用方法啦﹗佢終於book左考期，中期係下個月23日，真係好快，希望佢會pass啦。我又真係有d擔心佢唔pass 0架。之後搭車回家，我又繼續係度發夢過我既理想生活喇﹗

posted by purpleaileen @ 10:27 PM 0 comments

Sunday, February 19, 2006

有發現

原來我本BNO係過左期，仲要過成年喇﹗真係大件事，如果有d乜野旅行或走難，我點算呀﹗真係要盡快搵日攪番本「特區護照」先。

posted by purpleaileen @ 10:39 PM 2 comments

Saturday, February 18, 2006

換身份証

今日約左去換身份証，一早10:30就要到，點知我起唔到身喎﹗咪好趕啦，佢10:15就到，原來唔係好多人，佢一去到就有得做，到我去到都好快有得攪。之後佢就要去銀行，咪順便行下，好快就到德福，佢就去銀行，我就去睇下同事啦﹗因為有個觀塘區學校展，今日我放假，聽日我就全日當值，點知幫幫下都成點，仲要佢落埋手添，佢緊係唔開心啦﹗原因唔係要幫手，係點解我放假都要做，又要佢等又唔合理。我當然明白啦，最重要係我同佢都未食早餐，又未食lunch，佢餓到胃痛添。嘩﹗佢胃痛，我心痛啦﹗仲唔即走，之後我仲提議去飲茶。我同佢又真係好耐冇去飲茶喇，我都唔明佢點解會咁喜歡，可能佢冇乜喜好啦﹗我真係唔知喇﹗佢睇下報紙，我就睇下雜誌，食下食下，我又真係唔明下午荼都可以食成百幾蚊。食飽飽之後就返屋企瞓下覺囉，點知到6點到，我媽媽返到屋企話佢要飲喎，叫我自己煮飯食。咁我就攸左個煮飯婆喇﹗我細佬又瞓，佢又係度瞓，唉~我咪落街買餸煮飯囉﹗男人真幸福，好在食完我要佢陪我洗碗。哈哈﹗

posted by purpleaileen @ 10:10 PM 0 comments

Tuesday, February 14, 2006

情人節

今個情人節你有d驚喜，因為佢話book左枱食飯喎﹗哈哈﹗我又真係估唔到佢會咁做。當然大家放左工之後，就行下街啦﹗因為book左8:30先食，係路途中我緊係估下去邊食佢會送乜俾我啦﹗大家都知我又聰明(自己覺得)，我一估就估中。不過當入座既時候，我就起火喇﹗人地同另一對情侶一齊入，個waiter同人地講：「你地book個張卡位係果邊，你地1係唔食煙呵，我地係對下資料。」之後就同我地講：「你地張枱係果邊。」嘩﹗我一望.....火到來喇﹗係路邊既一張二人枱。唉~我塊面即時黑，佢都好醒喇﹗即刻叫我走，去左第二間，不過咁既日子又點會咁易有餐廳有位啦﹗好少少既都俾人book哂位，係我咁慶既時候，又要我做決定，我一口就講左既餐廳，佢即刻走去攞飛得位，好在等左幾張就有。唉~其實佢都係第一次book餐廳位，不過邊會有人book位book成咁呀﹗算啦﹗我應該學下正面d去欣賞佢，佢又真係好可愛既。哈哈﹗禮物都ok啦﹗

posted by purpleaileen @ 10:34 PM 0 comments

Sunday, February 12, 2006

海洋公園

今日我真係唔開心，要同屋企人去海洋公園玩，雖然唔駛自己錢，不過冇左個人陪，真係好似欠左少少。我一樣機動遊戲都冇玩過，我真係唔開心嘛...人地又唔同我一齊去，仲要曬傷左塊面....嗚~~~嗚~~~嗚~~~又悶又累。係旅途中，我打左電話俾ryan，得知佢既不快事件。今日真係down呀﹗ 到晚上，去左apm食元氣，都好在有我喜歡既野食。

posted by purpleaileen @ 11:18 PM 0 comments

Tuesday, February 07, 2006

最後一天假期

好開心，去左唱k呀﹗今日係新年假期既最後一日，估唔到真係可以去唱下k，真係真係好耐冇去唱過喇﹗唱完歌，仲係屋企一齊睇下碟，唔錯啦﹗係夜晚再做下工作既野，明天要努力喇﹗
開工喇﹗(真係唔想呀)

posted by purpleaileen @ 11:11 PM 0 comments

Monday, February 06, 2006

初八初九的行程

posted by purpleaileen @ 10:57 PM 0 comments

Sunday, February 05, 2006

初七人日的行程

wow~~~好耐未試個可以同d朋友玩咁耐。ryan攪左個party有人打下機，有人打下麻雀，呢個場面真係好耐冇見喇﹗係我既印象裡面，對上個次好似係係jack屋企。相比起今次見面大家雖然樣貌冇唔同，可能只係隨著成長而轉變，但生活已經不同，例如工作、感情...等，當然仲係有d例外啦﹗而我當然都有轉變啦﹗工作如常，但係身體、家庭、感情、價值觀同人生觀都有所轉變，記住係轉變唔係改變。

posted by purpleaileen @ 1:18 PM 1 comments

Friday, February 03, 2006

初六行程

今日一早(中午12點呀)就約左poly舊同學，上去佢既新居聚一聚，拜下年，又有佢老公煮下野食，打下麻雀，食下零食，飲下果汁，wowow你話正唔正﹗就咁一玩就到6點呀，人地放左工喇﹗又要返去九龍灣呀，唉~~又要人等，今次我好識做呀，人地等左我一個鐘，我就出一招愛心小禮物(#註1)，佢仲唔lum哂，哈哈﹗其實咁小事係唔駛送野俾佢，不過有原因嘛﹗跟住就要去食飯喇(#註2)﹗真係好忙呀﹗美心酒樓確係貴，叫左一個湯，三個白飯，三個餸，一個焗野(#註3)，嘩嘩嘩﹗咁就千幾蚊埋單，真係唔好講笑呀﹗

#註

1 係一支香體濟，好正呀﹗我好鐘意呢隻味，買左俾佢我咪可以成日索到囉﹗

2 我細妹既男友話請我亞媽食飯，咁亞媽又叫埋我同kenny，話多人d好d喎。

3 粟米蛋花蟹肉湯、咕嚕肉、金菇豆苗、西芹腰豆炒鮮蝦、芝士龍蝦焗伊麵

posted by purpleaileen @ 11:04 PM 0 comments

Thursday, February 02, 2006

人地返工的日子

今日我約左亞RYAN食lunch，好在佢叫一叫我起身，唔係我一定做豬。食完個靚飯，我就趕去照肺。其實做個呢行，每年都要照照啦﹗睇下個肺有冇事嘛﹗真對自己或小朋友都係一件好事。照完次後咪又係接人放工，我係咪好廿四孝女友呢？接完人地，人地咪又係送番我返屋企，有時真係覺得自己好無聊，其實係我自己掛住人之嘛﹗

點知返到屋企，有位好好既舊同事打電話來，話咁0岩來到我住既屋苑(佢帶個囡囡探公公、婆婆)，咁既情境緊係要上去拜下個靚年啦﹗利是再有進帳。

posted by purpleaileen @ 10:50 AM 0 comments

Wednesday, February 01, 2006

做gym

嘩﹗我有一份生日禮物，終於收到手呀﹗ccc下午攞左來俾我，真係ear wing呀﹗我都鐘意既。仲坐過佢駕既電單車，驚死我喇﹗
今年假期裡面係咪食。於是我決定係人地開工既日子，接佢放工，再同佢一齊去做gym，焗下stream，不合幾爽呀﹗之後就出去淘大，同roy & ccc飲下野，傾下計。

posted by purpleaileen @ 11:36 PM 0 comments