一家人吃飯
早幾日亞媽叫齊我地幾姊弟星期日要食飯，原因係細佬近日生日，媽話我地生日係應該同佢慶祝，慶祝佢生出我地。唉~咁就中午一齊去左据扒喇﹗食完就行一陣街。之後大家就各自活動，而我就去左睇戲，因為想睇左好耐囉﹗就係驚濤搶救(The Guardian)，本人覺得都唔差呀﹗不過Kevin Costner真係老左(哈哈~人老係好正常)，當然唔影響套戲啦﹗佢依然係好man呀﹗其實本來今日係去bbq呀，不過後來cancel左，希望快d再有機會啦。
在家渡過的一天
真係好耐未試個成日都冇過街，係連樓下超級市場都冇。個人仲要9點幾俾亞媽嘈醒，瞓又瞓唔番。真係想死，又冇心機做野。朋友又病左，係企成日我都係遊遊下，乜都冇做過。真係唔習慣足不出門既感覺。
秋季旅行
今日係學校秋季旅行，又點會冇我份呀﹗都唔知黠解攪旅行會成日都係我，但係自己就好少去旅行。今次主要去-->香薰園-->流浮山午餐-->濕地公園。行程輕鬆，而且仲出現左個奇怪事件，就係我居然帶完隊回程，一d睡意都冇，全程都係同導遊傾計。可能個心態同以前唔同左啦﹗
完成砌機初班
終於完成左個初班喇﹗真係有可以話有用，又可以話冇用。用起上來就有用，唔用時就真係乜用。電腦就真係神奇，幾時都學唔識學唔完。因為成10點先放學，再去食飯後，我次次都要11:30先返到屋企，佢就要12點幾，攪得個人來都要成1點先瞓。等我地再想下繼唔繼續讀囉﹗
燒錄光碟速成班
今日返左個速成班，早上一個悶字。哈哈~~lunch就同左3個唔識既同學去飲茶，大家交換左個email同電話，唔知大家會唔會聯絡呢？下午既課程就好d，不過都係識既野，但係聽左就清楚好多。明天又返學砌機班都幾好玩，不過明天就係最後一堂，之後就睇下人地仲學唔學啦﹗而家個幾堂真係好廢...。
