聖誕節後的節目
27/12(三)晚~打邊爐。約左polyu既同學仲有DORA HO一齊，仲有抽聖誕禮物添，真係好開心呀﹗有得食又有得囉﹗雖然交流大家既近況時，多數都係一D唔開心既事情，不過相信新既一年有新開始嘛﹗大家一齊努力啦﹗28/12(四)晚~食日本野。正﹗約左一位老朋友去左APM一間名為<白木屋>食飯。真係OK過<和民居食屋>喎﹗食左D乜就唔係太記得，好似有「乜乜牛肉鍋」、「牛油焗帶子」、「三文魚壽司」、「乜乜蟹肉帶子薄餅」、「乜乜豆乜意大利粉」...29/12(五)人地要返工喇﹗我咪係企sleep囉﹗起身又要企度慢摸摸。之後就去左九龍灣接人放工。再去買餸返家，一齊煮飯仔。點知食食下細妹返，佢都真係唔通氣。問佢食唔食，又係度望望下，擺出一幅不合心水既樣子，然後講：「我唔食喇﹗」你講係咪吹脹。跟住佢都入左房，又唔知乜風吹佢返出來，係廳部電腦度搵佢去旅行d資料。真係唔明自己係房有部手提電腦又唔用，我同人地係度睇電視都唔自然，不過我唔會唔自然既，只係過有d野咪用紙筆溝通，係就係怪d，係企都唔講得野，不過冇計，對話太私人，又唔想俾人知。
不過到晚上去sleep時，一時想起對話既紙係未完全處理好。只係搓成一團，就咁掉係個垃圾桶內。咁就大件事，我媽一定會開來睇嘛﹗點知一去度個垃圾桶，發現多左一個膠袋，咁就知出事喇﹗再拎起個膠袋，真係d紙團好似生菜咁開左一張，個張係寫一d鬧我妹唔通氣既字句。都好在，如果再開就大件事囉﹗<<情慾對話大公開>>
06聖誕節節目安排
今年聖誕節冇去旅行，真係有d煩惱啊﹗又要諗下去邊好。最後就係日日都係旺角喇﹗
23/12(六)~要返工。放工後就即刻同同事去行步行路線~淺水灣去深水灣，再去赤柱，咁就成大半日囉﹗之後就返屋企放底d野，再出去行下街街。去左旺角，都好多人，晚餐仲食左我like既壽司~~yeah~~24/12(日)~平安夜，一出街就又係去左九龍灣睇戲<踢躂小企鵝(Happy Feet)>，一路睇戲就一路食蝦條薯片。跟住又係出左去旺角，因為晚餐會係旺角掃街，正呀﹗真係好耐冇食過，仲食得好離譜添﹗仲買左件聖誕禮物。之後就返去apm倒數。最後又係觀塘再掃多次街，咁就好平安咁過囉﹗25/12(一)~嘩~起身都唔知幾點囉﹗又係去左旺角...攞coupon又冇開門，行行下就夠鐘回家吃飯lu!26/12(二)~人家要返工，接下人放工，行一陣商場，行一陣公園，行多一陣超市，咁就各自回家食飯囉﹗
電話轉台好煩呀
都唔知點解，而家d電訊公司變成咁，個幾廿蚊都有成幾千分鐘。本柩用緊個plan又到期喇﹗而家都要成$90幾，初初以為好平啦﹗點知而家又要煩，跟本就要焗住轉台，d sales仲話：「你係舊客戶，而家d新plan你地唔轉得呀！冇辦法啦﹗真係唔好意思呀﹗」車~~~咁咪要我轉台。周圍都有好多電訊公司van仔，都唔知轉乜好﹗真係好鬼煩呀﹗淨番唔係好多日時間咋，過左一個月前通知又乜乜物物。唉~你話係咪煩。
一個人的時候
星期六人地又要返學，星期日人地又要返工，仲要朝8晚6，整返我自己一個人。雖然有好多野要做，不論係自己野或學校野，都有好多好多，但係真係冇乜心機做囉﹗聖誕節又到，我又要想下同人做d乜好，除夕又到，我又要想下玩d乜。仲有我既生日，都要想下做乜，唉~去旅行就一定要去喇﹗但係去邊又唔知，星期一都要去睇睇囉﹗聖誕節我會唔會有禮物呢？生日我又會唔會有禮物呢？
紅色炸蛋
中學同學終於結束佢地既愛情長跑，真係登兩位開心，恭喜哂佢地先。大家幾位舊朋友約埋一齊傾下計，講起以前讀書既趣事真係好開心，仲覺得好攪笑添。月中有得去飲，到時仲會見到好多好多既舊同學，相信真係有成10年冇見囉。唔知有幾多個會好似我咁，肥左咁鬼多呢﹗不過同時係互交近況時同埋朋友既近況時，少不免會提起一d離開左大家既朋友。唉~~~珍惜現在呀﹗
約會的感覺=問號
約會係點既呢？人人都唔同，我就認為約會係被邀請既，有人安排好既，唔駛用腦既...。不過今日既約會..居然係乜都唔知，唔知點解會上左一架巴士，跟住係車上唔知係邊度落車，落左車又唔知去邊度食野，食左野又唔知行去邊好，行完街又唔知坐乜車返屋企......。問號的約會，我真係唔係太喜歡呀!
簡單的晚餐
幾好呀﹗媽媽又有學返呀﹗逢星期二、五啊﹗又有二人世界啊﹗yeah~
輕鬆的下午
星期日去左西貢行下，真係好舒服啊﹗點解我會咁like西貢呢﹗係碼頭邊睇住d人賣買海鮮，不知幾開心，如果自己有時間有地方，我一定自己下廚，煮番餐勁既﹗哈~哈~哈~~~~就係咁樣行一行就返屋企囉﹗
家長會
嘩~又到左本學期既第一個家長會，全校既家長會真係少人到爆，點唔知點解會咁攪笑。不過好在自己班會都ok啦...全班得個十多個學生，有成11人出席算好好囉。相比人家好看些啦﹗哈哈
