Sunday, April 30, 2006

黑社會：以和為貴(Election 2)

其實有好多戲都想去睇，有<獸猛猛奇兵(The Wild)><四大天王(The Heavenly Kings)><黑社會：以和為貴(Election 2)>不過得一個下午既時間，要好小心揀一套，要揀一套睇完又唔好令自己後悔既，最後就揀左睇<黑社會：以和為貴(Election 2)>。唔...睇完好似覺得第一集好d，不過今集都ok囉，好似擺到明要你睇多集。當然d暴力畫面，我都係覺得係好驚呀﹗
唉~~今日既假期就係咁過左，只係咁樣過左，因為媽媽要我上去公公到食晚飯，6點就要到，叫我仲邊有時間去下街呢？食完飯，坐一陣，睇下電視都成10點，我兩個人仲有邊到去。算明天再想想去邊啦﹗

posted by purpleaileen @ 11:36 PM 0 comments

Saturday, April 29, 2006

終於去唱k

本來今日plan左係去朋友家bbq，不過大家都怕落雨，又加上主人家又有節目，所以就cancel左。哈哈﹗bbq我係真係想左好耐，而且我又真係幾like呀﹗不過都好，因為轉左去唱k，咪仲正。我又真係好耐冇去過唱k。一聽到決定去唱k，我第一件事就係去book房，試下book而家好興既無煙k房。嘩﹗真係唱完全身係無煙味，平時唱完k，返到屋企一家好勁煙味，今次真係唔同哂呀﹗

posted by purpleaileen @ 11:57 AM 0 comments

Wednesday, April 26, 2006

Pass左

wowowow....終於完喇﹗今日放假都係值得，以後唔駛再煩喇﹗其實我一早做好預備，諗住缺左個廿四孝女友先，萬一人地fail左，都有野安慰下嘛﹗一早起身買早餐，做外買妹，跟住送人地去考試，自己就去買野煮野，之後等人考完試返來食。最衰人地要返工，邊有人請一日假，毛啦啦老細叫下午返工架。唉~一個人咪行街街買下衫。夜上就去打邊爐，兩個人真係食得唔係好多野，仲要我減緊肥嘛﹗
anyway.今日係開心既。

posted by purpleaileen @ 9:06 PM 2 comments

Tuesday, April 25, 2006

好緊張要考車(唔係我)

嘩﹗聽日佢就考車喇﹗好緊張呀。我就特登攞左聽日假，一早會陪下佢食早餐，跟住佢去考車。我就去買野煮lunch俾佢，如果佢pass左咁當然開心啦﹗不過如果係fail左，都唔緊要，我決定夜晚同佢去打邊爐，慶祝又得，安慰下佢又得。哈哈﹗不過最衰係佢下午要返工......真係激死我，明知我為左佢請左假，都仲要俾佢老細屈下午返工。哼﹗一想起都湊氣。

posted by purpleaileen @ 8:32 PM 0 comments

Saturday, April 22, 2006

病倒了

唉...真係慘，好耐都冇病過喇﹗由星期三開始，發覺鼻塞塞，星期四、五就慘喇﹗開始發燒，我都乖啦，即時係咁瞓覺，飲水。今日終於有d好轉囉。早上仲有d燒，不過而家就好好多，冇燒喇，所以我咪扭計同kenny出去係晚飯囉﹗heehee仲食左我最like既壽司，好開心呀。而家只係鼻塞塞同埋頭重重咁，我估再休息埋聽日，一定好番。

posted by purpleaileen @ 11:22 PM 0 comments

Monday, April 17, 2006

在整理時發現

今日真係好忙，不過係咁忙既時候，俾我發現一張紙，好似係一個朋友屋企抄下來。唔知係咪叫「家規」呢？不過叫住先啦。我記得係因為覺得可以要來反省自己時用，所以抄底，而家ｐｏｓｔ左係NiCe article度。
朋友你記得嘛，是在你家中抄下的。

posted by purpleaileen @ 2:57 PM 0 comments

假期最後要做野(續)

今日我好有plan去左野，希望做得哂，因為而家時間都無多，今晚仲要去公公家食飯。
首先係整理現存的個人資料，將咁多年既資料從新分folder：
１．小學及中學成績表、手冊、相片
２．個人履歷表及求職信
３．理工大學成績表及有關就讀時的資料
４．報稅、強積金、現職資料
第二係完成手頭上之部份工作：
１．二月至四月porfolio
２．好似係十二月至四月活動
３．ｕｐｌｏａｄ十二月至二月活動
４．本星期手冊紙
５．下個月頭家長會計劃
６．構築下個月中十周年既公開活動
７．．．．．唔想再想喇

posted by purpleaileen @ 12:51 PM 0 comments

Sunday, April 16, 2006

假期過得特別快

假期過得好平凡，但係我好開心呀﹗
四日假期咁快就過喇﹗淨番一日咋，當然乜都冇做啦﹗過左一d好游閒既生活，例如：一起身，就整下早餐，跟住人地學車，自己就去買送，瞓下晏覺，就煮下飯咁，再唔係夜晚唔煮就出街食，睇下戲咁，真係幾適合我。我諗下諗下，將來係要d乜野囉﹗真係好簡單，不過都好難。仲淨番一日咋，真係要做下d野，都係瞓醒先算。

posted by purpleaileen @ 10:06 PM 0 comments

Saturday, April 15, 2006

二日一夜復活二人樂

今個假期冇旅行去，不過我媽媽就有。我咪玩下二人世界囉，都係二日一夜。哈哈﹗

posted by purpleaileen @ 11:52 PM 0 comments

Thursday, April 13, 2006

復活節假期開始了

wow等左好耐喇﹗終於到復活節假期到了。唉~人地又冇得放，一個人有乜野做呢？哈哈~休息下都唔錯，而家又有uzap震震下。今日又買左d減肥飲品，都係試下先。希望對自己都有幫助啦﹗

posted by purpleaileen @ 10:10 PM 1 comments

Tuesday, April 11, 2006

OSIM~uZap photo












OSIM~uZap

posted by purpleaileen @ 8:16 PM 0 comments

Monday, April 10, 2006

小肥羊~~ 好味

好多人都去過小肥羊打下邊爐，但係今日我就係第一次去試下。以前見MK間小肥羊成日都有好多人排隊食，我估一定有佢既水準。今晚我就去左TST個間，佢地話TST環境同服務態度都會好D。當然真係唔差呀﹗仲有人教我點放D痴到個碟實一實既墨魚丸，好順暢咁放落個煱到。開心開心，好耐都未試過咁食野同傾算喇﹗

posted by purpleaileen @ 11:58 AM 0 comments

Sunday, April 09, 2006

OSIM~uZap

嘩﹗我終於買左部uZap喇﹗唔好理佢有冇用啦，買左、用左、心安左咪得囉﹗不過當然我都想會有d功效啦﹗減肥我就唔會期望太多，不過肩、背既舒緩，我估點都會有掛。
其實自己考慮左好耐，又去OTO睇，又去OSIM睇，又去朋友度左試加試，又心大又心細，又15又16，真係煩。到最後點解會揀左OSIM，係因為五個原因：
第一個感覺舒服D，好軟。
第二個係振振下，比起OTO冇咁痕。
第三個係個SALES PRO D，佢介紹得好詳盡，又有分析OTO一代同OTO二代再加OSIM既分別。
第四係有人支持OSIM。
第五係OTO個SALES問乜都答唔出。
最後OSIM WIN左。
而家我就係按住來打BLOG喇﹗

posted by purpleaileen @ 11:52 PM 2 comments

Saturday, April 08, 2006

忙碌的一天

今日真係好忙。一返工就要做個"BB俱樂部"既playgroup，跟住就要開工做upload檔案，攪左一輪又要執下個課室。好在今日有亞ROY幫幫手，唔係真係唔得掂。嘩﹗都要做到成8黠，俾人趕走。趕走左咪去搭車囉﹗點知亞ROY又要我跑去追車，唉﹗要我跑就真係攞命，不過架車又真係可以好快，唔駛10分鐘就到將軍澳，之後就上左去ROY哥HOME食大餐。WOWO真係好正，好多野食呀.....

posted by purpleaileen @ 11:50 PM 0 comments

Wednesday, April 05, 2006

公公出院了

昨日一放工就去醫院接公公出院，雖然可以出院，不過都唔可以食野食得太亂。而家我先知公公原來都有咁多病痛，人大左真係有好多野唔到自己話事0架喇﹗

posted by purpleaileen @ 10:25 AM 0 comments

Sunday, April 02, 2006

公公好了很多

今日去探公公，見佢面色同精神都好好多。起碼唔駛再輸血，不過仲未可以食野。我問左個男護士，佢話公公個胃同十二指腸損左，未食得野，如果出得醫就食得喇﹗
其實我都得擔心，不過我真係好嬲我細妹，佢今都冇去探公公，其實佢應該叫埋gary來啦，媽仲要幫佢講好話，話佢公司有野要做唔來到探，媽仲問我係咪要叫佢叫gary來。我心想，呢d野係用自己個心，有心就唔駛叫啦，我細妹又唔係返屋企，佢點會走返來探呀﹗我都未興完，個細佬又係咁。點解而家d年輕人會咁呀﹗公公都咁老，又住得咁近，唉~~~心淡。

posted by purpleaileen @ 7:54 PM 0 comments

Saturday, April 01, 2006

我入新blog

NiCe article

http://purpleaileen-nicearticle.blogspot.com/

入面係一d我睇完，又覺得幾得意，而我又會想睇多次既article。

My Secret

主要係的自己既事情。

posted by purpleaileen @ 10:13 PM 2 comments

胃潰瘍

昨晚公公照左胃照喇﹗醫生話係胃潰瘍同埋十二指腸出血。今日我就上網搵下d資料，因為我想知係乜，公公年紀都唔細，唔知乜事嘛﹗不過醫生話佢3,4日就可以出院，之後覆診就得。如果係普通胃潰瘍咁就冇事，聽日係星期日又見唔到醫生，等星期一叫媽媽問清楚點解會胃潰瘍先，咁都有原因嘛....而家日日都會去探佢，雖然每次上去，佢都話冇事，叫我地走，去下街，不過其實佢都想見下我地既，每次佢見到我地來探佢，佢個樣不知幾開心，一走咋，個樣就唔同哂，不過唔緊要啦﹗公公會好快出院。

posted by purpleaileen @ 9:19 PM 0 comments

本能2

本能2(BASIC INSTINCT 2)
睇之前我睇左兩篇影評
1. ***粒星
電檢處Cut得太多啦！
優~莎朗比第一集更奸，更攻心計
劣~唔能夠睇完汁完味的版本
都唔明點解係三級，最三級都比電檢刪哂，全場只得三個裸露位，仲要係唔夠３０秒，最核突的死神３反而２級，真係唔明．不過純粹睇劇情都可以，但抱住睇肉心態必定失望而回．
2.*粒星
優Sharon Stone演得好好,攻心計攻到暈,觀眾絕對同個醫生感同身受
劣開頭比較悶
睇開頭果段,一尾係咁講咩性呀果d,好鬼悶,諗住開錯飛入錯場啦 但睇到中段先發覺呢套野既精妙之處 Sharon Stone演得奸得黎,講野又不乏說服力,令人好有信佢又唔係,唔信佢又唔係既感覺... 睇開頭果段,一尾係咁講咩性呀果d,好鬼悶,諗住開錯飛入錯場啦 但睇到中段先發覺呢套野既精妙之處 Sharon Stone演得奸得黎,講野又不乏說服力,令人好有信佢又唔係,唔信佢又唔係既感覺 劇本都寫得唔錯,往往留下俾人思考既空間 係就係開頭俾較悶,頂得住既話,之後絕對唔會令你失望 唔好以為套戲係賣肉就卻步 都唔好再話咩Sharon Stone老喇仲好鬼睇咩之類既野 呢套野Sharon Stone絕對做得非常出色,不可不看~
當我睇完...
Sharon Stone真係老左DD。
我隔離個人係訓左既。
我覺得劇情都ok呀。
但真係唔覺係三級喎。
我都想睇下<<本能>>

posted by purpleaileen @ 1:15 AM 0 comments

公公胃出血

今日一放工就走啦﹗點知睇到有一個miss call，係媽媽打來，仲留左個言俾我。公公入左院呀,,,係胃出血，媽媽話公公早上打俾時，見到公公塊面青哂。唔知點解有d驚，公公都有成80歲喇﹗我當然一收到msg就印刻去醫院睇下情況係點啦﹗而家仲等緊照胃鏡，要照完先知乜事喎﹗

posted by purpleaileen @ 12:49 AM 2 comments