祝.佢生日.我快樂
今年陪佢過既第xxxx年既生日，雖然唔係慶祝新曆(因為新曆唔係假期)，不過我都有用心用金去安排，酒店個窗口係望到海，仲可以睇激光添。一連三日既活動，真係好平凡好平凡，同平日既假期一樣。活動總結：睇左一場戲、食左2日都係日本野、食左2次茶餐廳、嘆左2次下午茶、行下街(記住係行街一條又一條喎!唔係睇野喎!)，...就咁...完結了。
佢開唔開心...快唔快樂...我唔知...。因為不論做既、食既、行既.、玩既...佢都冇俾意見，佢既意見就只有「你想呢?」「你喜歡咪得囉﹗」「你鐘意啦﹗」，最後決定既全部都係我自己想做既野。不過我估佢見我開心，佢都會開心。哈哈~好似我自己生日咁。
經過今次假期，發現大家都有d改變左、長大左，所以溝通都好左。係好定唔好，我就唔知，我希望係好啦!
anyway，祝佢生日我快樂啦!
其實只要同我一齊咪快樂囉!不過如果將來大家唔係一齊，哈哈!我唔包佢會快唔快樂囉........
哈哈哈﹗哈哈哈﹗
睇落我都好似係一個好自私既人咁添...
posted by purpleaileen @ 5:40 PM
0 Comments:
Post a Comment
<< Home