今日去鬆一鬆口氣
星期日，本來想返學校做d野，但係想下想下，都係唔好，一個星期得7日，點解我仲要返足7日。但係又有好多野等住我做喎﹗真係好矛盾。好在今日係星期日，唔做野，仲有好多野要做。就係好玩下囉﹗一個星期俾一日時間讓自己去鬆一鬆(不過起身都有左一大早上lu)。起左身同人商討去邊好，不過自己又想起有同事話去太古睇冰燈展( http://www.cityplaza.com/chi/hot_promotions/coming_attraction_items/ attraction005.htm)，好似幾好咁，哈哈﹗就去啦，點知多人到估佢唔到喎﹗去到時排隊既位置仲需要等多兩個幾鐘，個時都成3點啦，再等咪成5,6點先入到場，所以都冇去，希望下次預好d時間一定要入到場。之後改左佢人地想去睇下既地方，就係水族館喇﹗原來早前係電視同雜誌都有介紹過，入面真係有好多魚類，有好多係金魚街都睇唔到，d沙魚都有好多種，而整體價格都ok，仲有d平過出面添。之後緊係去太古既冒險樂園啦﹗不過時間過得好快，6點大家都要趕返屋企食飯。不過發現有巴士返觀塘喎﹗勁呀﹗3個未唔駛返到，咁就行多陣街，打左陣機。一身鬆哂﹗原來小朋友既生活真係好好。今日就好似家庭樂咁，如果時間多d就更好添﹗
(點解我係太古都會撞到學生呀...)
posted by purpleaileen @ 8:15 PM
2 Comments:
YEAH! 工作時工作,遊戲時遊戲!
這樣生活更愉快! :-D
對...我要學習這個方式生活才會愉快。
Post a Comment
<< Home