Saturday, May 20, 2006

台灣四天團報左名喇

《北投山之林Spa 溫泉、Hello Kitty 小禮堂專賣店》
台北、士林美食廣場、小人國文化歡樂世界、袖珍博物館、九份、深坑豆腐街、故宮博物院四天團
報左名喇﹗希望旅途愉快啦﹗

posted by purpleaileen @ 6:09 PM 7 comments

Friday, May 19, 2006

叉燒飽








叉燒飽就係咁開始喇﹗

完成左，真係好好味呀﹗

posted by purpleaileen @ 11:59 AM 0 comments

Thursday, May 18, 2006

去旅行

哈哈...真開心，我終於攞到假去旅行喇﹗咁多年來，終於可以去下玩囉。6年喇﹗已經6年冇去玩，一想就有d興奮添﹗地點都決定左，係台灣。wow~~~希望真係成功去到玩啦﹗

posted by purpleaileen @ 9:21 PM 1 comments

Tuesday, May 16, 2006

死過番生

今日真係黑仔，本來我請左半日假，叫人地都一齊請陪下我，點知人地又請唔到。真係激氣﹗半日假我就只係用左一個鐘去灣仔註冊CE，跟住就返屋企。
係屋企一滴水都冇，咁咪煲囉﹗點知煲煲下坐係度瞓左，突然聽到"pop"一聲，出事喇﹗我即刻走入去廚房熄火，我見到個煲好紅，好似人地燒鐵咁，好大煙。嘩﹗我真係好驚呀﹗我即刻打電話俾佢囉﹗真係驚到喊呀，個爐4:00煲到5:30，成個煲黑哂，個蓋爆開左呀。真係好驚，死過番生呀﹗

posted by purpleaileen @ 10:53 PM 0 comments

Sunday, May 14, 2006

鬼魅山房(Silent Hill)都好驚呀

鬼魅山房(Silent Hill)
其實好多人都覺得唔係一套好驚既電影，而家係一個極少睇呢類型既戲，不過我都知自己唔係太受得。不過今次既反應都唔知做乜，咁都驚到喊，唉~其實我真係好鬼細膽呀，不過我一聲都冇叫過喎，係咪勁先。

posted by purpleaileen @ 11:59 PM 4 comments

要休息一下

終於都完左個活動，wow好累呀﹗不過感覺都唔係好舒服，所以今日一放工呢，就陪人去度波仔，哈哈~希望有一個希望啦﹗跟住就行下街街輕鬆下，不過對腳又好累，想想下咪都係睇戲，不過部排真係睇好多戲，又有d悶，於是我又要用下個腦。點知俾我一想，就想到帶人地去食我新試既麵店食野，跟住就入西貢散步。wow~~~我真係好享受呀，好舒服呀，又涼爽，不過有d凍添，個月光好圓，天空好清，又靜。正呀﹗雖然對腳係好累，不過真係好舒服嘛。

posted by purpleaileen @ 1:35 AM 0 comments

Saturday, May 13, 2006

炸蝦角、燒賣

今日趕唔切去上堂，去到已經係7點幾(6:30開始呀)，最重要既部分我就miss左喇﹗炸蝦角同燒賣，最緊要就係個d肉點整嘛﹗唉~去到時，只見到d炸蝦角係d油到炸炸聲。好在燒賣未包，一陣可以睇，今日兩款都好好食。真係要影張相留念下。




上完堂喇，本來係去做運動，不過人地又做完喇，冇謂要人等啦﹗所以我地一於決定，我唔去做喇﹗真係開心，可以慢慢行下街嘛﹗行行下，行到去創興，大家都知多野食啦，我同佢又未係果度食過喎﹗咪試下啦，打邊爐早排先食過，咁話時話真係好耐冇食自助餐，咁岩又見到有，咪試下啦﹗點知...真係好激氣，又話係送三文魚剌身，點知話冇貨，變左係天羅。又話係海鮮自助餐，點知乜都冇，又話有壽司，點知每半個鐘出一次，每次有9件，又話....算我要記得咁慘痛既經歷。

posted by purpleaileen @ 1:28 AM 0 comments

Monday, May 08, 2006

職業特工隊(MI III)

職業特工隊(MI III)
百忙之中睇一場電影，仲要比係期望中好。feel so good wor...

posted by purpleaileen @ 12:01 AM 0 comments

Sunday, May 07, 2006

100

第100個blog喇﹗yeah

posted by purpleaileen @ 11:58 AM 0 comments

Saturday, May 06, 2006

好忙好動氣

嘩﹗今日真係忙，一早返去準備下一陣要開家長會d野啦，點知開會先老細搵左我入去傾下個星期六d野，唉﹗又要咁又要咁...。一開完會，都成12點幾，又入去傾.....有人要走...有人又要走...only me 繼續做，有d同事唔好意思咪幫下我囉。不過最勞氣係既banner公司，我以最高既速度去完成個banner design 仲做好哂稿啦﹗佢話要jpg，我咪用jpg，呀...佢又話開唔到，又要我用photoshop，咁我冇嘛，得photoimpact，又話唔得，但又要我一定個file要係jpg，真係令我唔明白。當我晚上努力緊既時間，我接到消息，公公又要入院，點解次次都係咁，係我最忙既時候就最多野要去兼顧。anyway，朋友真係最可貴，r字頭既俾到一線光我。

posted by purpleaileen @ 10:15 PM 0 comments

Friday, May 05, 2006

佛誕假期

剛剛收到一個消息，老細唔做lu。唔合係開心定唔開心，不過又唔係唔開心，咁覺好似得到解脫咁，一身輕哂，亦證明地球係轉既，世界係會變既，以及人生係有高低起跌既。我就要加倍努力去round up我手頭上既野，同埋要好好整合一下以前既野，仲有係欠下既野。因為真係冇得再拖喇﹗今日係一個最好做野既日子，人地要返工，咁我就冇人陪啦﹗咪係企執下部電腦，同埋為聽日既家長會趕工。睇到一個朋友既blog話談下d生意夢，其實我都真係要認認真真去談一談呢個話題喇﹗

posted by purpleaileen @ 8:04 PM 0 comments

Tuesday, May 02, 2006

下午茶

琴日星期一既假期，最好就去玩，本來我一早起身plan左，去飲早茶，跟住就去赤住行下，點知一起身就冇左個早上lu。咁咪轉左去飲下午茶喇﹗
香港真係有好多人去飲下午茶，我都唔例外。諗住假期嘆下茶啦﹗又可以傾下算，咁咪落去觀塘飲啦﹗近近地，又唔多人。點知真係激死人，嘩﹗間酒樓d冷氣真係好唔得，我地兩個人，一路飲熱茶，一路就係度焗桑拿，真係攞命呀﹗以後我都唔會再去呢間酒樓，哼﹗

posted by purpleaileen @ 8:29 PM 0 comments